Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Wetstoepassers stuit plakkers

Inwoners van Witsand het Saterdag 3 Oktober besluit hulle is moeg om vir behuising te wag en het besluit om op ongebruikte grond te plak.

Dié groep het hul egter teen ’n sterk polisie- en wetstoepassersgroep vasgeloop wat die besetting in sy spore gestuit het.

“Ons is moeg vir die omstandighede waarin ons bly,” het die groep aan Weskus Nuus gesê.

Dié groep van ongeveer 300 mense, het reeds vroeg hul lappies grond gaan eien. Wetstoepassers het egter die groep se planne in die wiele gery en soos strukture opgerig is, was dit weer afgebreek en die mense is gevra om uiteen te gaan en hulle het later handdoek ingegooi toe die strukture afgebreek word.

Inwoners het egter ingange na die gebied met brandende bande versper terwyl die polisie ’n wakende oog hou. Volgens kapt. Liza Munro, Atlantis-polisiewoordvoerder, is niemand tydens die betoging beseer nie en niemand is in hegtenis geneem nie.

Inwoners van die gebied – waarvan die meeste in mense se agterplase woon – sê hulle gaan beslis weer probeer.

Volgens gemeenskapsleiers in die gebied is gerugte onwaar dat busse vol mense aangery is om hier te kom plak. Sosiale media het die betrokke oggend behoorlik gegons dat mense uit ander gebiede aangery is.

Volgens die leiers is dit die plaaslike agterplaasbewoners wat besluit het hulle het genoeg gehad.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak WeskusNuus Kontak ons
Stemme

Hallo, jy moet ingeteken wees of registreer om artikels te lees.