Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Sport
Atlantis-gholf presteer steeds

Atlantis-gholfklub het Sondag 6 September sy maandelikse lede-toernooi op die Moorreesburg- gholfbaan gehou.

Dié toernooi is deel van die klub se voorbereiding vir die Rival-beker wat op 24 September tussen Mamre, Darling, Morning Star en Atlantis gespeel word.

Die toernooi is deur Shawn Conrad en sy maat Desmond November met 42 punte gewen. Dié twee moes ’n verbete aanslag van die pa-en-seun-span, Nicky en Nicquin Arendse, afweer wat met ’n enkele punteverskil (41) in die tweede plek geëindig het.

Liam Adonis van Atlantis-gholfklub speel tans die gholfbane in die junior kompetisies aan die brand. Dié kranige 15-jarige speler van Mamre het Sondag tydens die Strand se junior ope toernooi algeheel agtste geëindig. Daar was 82 gholfspelers.

Volgens Shawn Conrad, afrigter van die juniors, was die toernooi in nat en winderige toestande gespeel. Adonis, wat gereeld onder die top-10 in die junior kompetisies eindig, het op 30 Augustus ook negende in die Royal Cape-toernooi vir juniors geëindig en kon hy beter gevaar het as hy nie met drie houe gestraf was omdat hy sy bal van die verkeerde plek gespeel het nie.

Volgens Conrad kan ’n oorwinning in een van die laaste twee toernooie Adonis se vliegkaartjie na Amerika bespreek waar hy vir ’n maand verder afrigting gaan ontvang.

Quewin Botha en Nicquin Arendse vaar ook goed in die kompetisie en saam Adonis laat die trio Atlantis se vlag hoog wapper. Volgens Conrad het die groep tans geen oefengeriewe nie omdat die Stad Kaapstad se sportfasiliteite nog nie geopen het nie.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak WeskusNuus Kontak ons
Stemme

Hallo, jy moet ingeteken wees of registreer om artikels te lees.