Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Sport
Baggy Blues na die halfeindstryd

Die Atlantis Baggy Blues het Saterdag na die halfeindstryd van die WP se T20-kriekettoernooi deurgedring.

Die span het Saterdag 5 Oktober sy veldtog met ’n goeie oorwinning van ses paaltjies teen Yorkshire in Blue Downs afgeskop.

Atlantis het die loot gewen en Yorkshire ingestuur om te kolf. Die tuisspan kon nie baie weerstand teen Jevon Cloete (4/23) en Areldo Meintjies (3/9) bied nie en is vir ’n skamele 88 uitgehaal.

Die Baggy Blues het daarna die teiken met ses paaltjies in die bank verbygesteek met kaptein Justin Rooibaaitjie (47) en Jevon Cloete (19) wat die beurt geanker het.

Die span het daarna Helderberg gepak wat ’n skaflike 113 lopies aangeteken het. Die span van Rooibaatjie het egter vasgebyt en die wenlopies in die laaste boulbeurt met een paaltjie staande behaal.

Atlantis het egter sy rieme styfgeloop teen ’n begeesterde tuisspan wat 115 lopies in sy beurt behaal het danksy goeie boulwerk deur Christopher Links (3/25) en Eldine Goliath (2/18).

Kaptein Rooibaatjie (23) en Meintjies (22) het moedig probeer, maar die span is nege lopies kort almal uitgeboul.

Atlantis moes Saterdag (12 Oktober) sy laaste groepwedstryd teen Macassar in Landsdowne wen om die halfeindstryd te haal. Macassar, wat eerste gekolf het, kon 113/7 behaal danksy bestendige boulwerk deur Kurt Julius (2/18), Ashley Goliath (2/13) en Areldo Meintjies (2/17). Atlantis het daarna koelkop gebly en Rooibaatjie het weer van voor gelei met 29 lopies.

Terwyl Abe Henkelman (28) en Ashley Goliath (19*) ook hul deel met die kolf bygedra het en het die wedstryd met drie paaltjies gewen. Atlantis sal eers later in die week weet wie sy teenstaanders in die halfeindstryd sal wees.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Weskus Nuus Kontak ons
Stemme

Hallo, jy moet ingeteken wees of registreer om artikels te lees.