Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Sport
Nuwe fietsryklub vol planne

Die Mamre-fietsryklub het Woensdag 9 September amptelik sy deure geopen.

Volgens die voorsitter, Davon January, is hy vol vertroue dat die sportsoort gewild onder mans, vroue en kinders gaan word en later ook soos rugby, krieket en sokker suksesvol in die dorp sal wees.

Covid-19-regulasie is steeds van krag en dit is baie moeilik vir fietsryers om aan kompetisies deel te neem omdat daar steeds inperkings van toepassing is.

Die klub se mikpunt is om fietsryers en die gemeenskap gereeld op fietstoere te neem.

Volgens January het ’n paar lede van die klub aan die gewilde Wild Boar MTB-roete in Wellington saam met Pieter van Wyk, MTB-roetebeplanner, deelgeneem en hulle baie goed van hul taak gekwyt.

Die Wild Boar MTB-roete is deel van die jaarlikse Absa Cape Epic-fietsroete waar baie jeugdiges en professionele bergfietsryers ontwikkel word.

Die klub beoog om in samewerking met Van Wyk, ’n soortgelyke MTB-roete in Mamre te bou.

“Die idee is om fietsryers blootstelling te gee aan die verskillende omstandig­hede en oppervlakte wat hulle later sal trotseer in kompetisies,” verduidelik January en voeg by, “alhoewel dit vir sekere fietsryers ’n eerste keer was, is dit ook goeie ervaring vir hulle.

Die fietsryers het beslis die strawwe uitdagings geslaag en ons hoop om aan meer sulke kompetisies deel te neem.”

Derhalwe fietsry, is die klub ook betrokke by gemeenskapsprojekte soos die onlangse verf van een van die ingangsmure van Mamre.

Die verfprojek maak deel uit van toekomstige bewusmaking van die omgewing.

Die verf is deur Balistic Roots-bestuursskool geskenk, waarvan January die eienaar is.

Mamre-fietsryklub oorweeg om by die Cycle SA of Pedal Power Association aan te sluit.

Affiliasie aan Boland- of WP-fietsryverenigings sal later oorweeg word met die oog om jeug te ontwikkel in baanresies.

“Ons doelwit is om die gemeenskap die geleenthede te bied om fiets in ons omgewing te ry sowel as ander plekke ook,” het January gesê.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak WeskusNuus Kontak ons
Stemme

Hallo, jy moet ingeteken wees of registreer om artikels te lees.