Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Sport
Pandemie sit klubrugby ore aan

Die Boland-rugbyunie bly daartoe verbind om die kontrakte met die spelers soos vroeër vanjaar gesluit is, te eerbiedig.

Ivan Pekeur, die Boland-rugbyunie se president, verwelkom SA Rugby se besluit om alle rugby aangaande die eerste liga sowel as die klubrugbyseisoen vir die jaar op te skort.

“Die besluit verwyder alle bespiegelinge dat daar wel rugby sou kon wees.

“Die feit dat die Covid-19-pandemie steeds ons gemeenskappe in ’n wurggreep van vrees en onsekerheid geplaas het, is dit in almal se belang dat alle rugby in ons streek vir eers opgeskort bly,” het Pekeur die week in ’n verklaring gesê.

“Ons glo lewe is meer werd as rugby en dit is inderdaad ’n groot terugslag vir die rugby-gemeenskap van ons streek.

“Ons weet ook dat dit ’n groot ekonomiese terugslag vir klubs en ons streek is en klubrugby het sy eie ekonomiese stelsel en talle is daarvan afhanklik,” het die rugbybaas verder verduidelik.

“In die huidige klimaat van die Covid-19-pandemie moet ons ongelukkig na volgende jaar kyk om weer klubrugby tot sy glorie te kan herstel, maar sou dinge verander sal ons wel gereed wees om aan te pas.”

Die Boland-rugbyunie sal nou samesprekings met die spelers se verteenwoordiger, My Players, hê om oor die pad vorentoe aangaande hul salarisse en ander voordele te besin, het die unie aangevoer.

Dit word gedoen om ’n skikking, wat tot voordeel van die spelers en die unie is, te kan bereik.

“Die Boland-rugbyunie wil dit beklemtoon dat sou toestande dit toelaat, daar by die vroegste geleentheid ’n vergadering met die klubs belê word om sodoende die pad vorentoe te bespreek,” het Pekeur afgesluit.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak WeskusNuus Kontak ons
Stemme

Hallo, jy moet ingeteken wees of registreer om artikels te lees.