Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Kleinskaalse boere se hande reg vir werk

Kleinskaalse boere in Vredenburg is onlangs deur die plaaslike klein­skaalse boerevereniging vereer.

Die boere wat op 8 Desember vereer is, is lid van die vereniging wat reeds meer as 20 jaar tussen die Vredenburg-gholfbaan en die mopgat boer.

Volgens Malvyn Lewis, voorsitter van die Vredenburg-kleinboerevereniging, was dit die eerste jaar dat die klein­boere vereer word.

“Ons het baie uitdagings as klein­boere, maar ons moenie bakhand staan nie. Oor die algemeen gaan dit goed en ons werk hard op die plaas,” vertel Lewis.

Altesaam sewe boere is vir hul harde werk op die plaas vereer.

Frans Jacobs is aangewys as die beste beesboer. Josef Maritz is die beste skaapboer en Johannes Williams is as die beste opkomende kleinboer aangewys.

Williams het verlede jaar met niks begin nie, maar teen Desember het hy onder meer sewe varke, 70 hoenders en ’n tuintjie gehad.

“Hy het beslis die wil om te boer. Elkeen van ons 29 lede kry ’n hektaar om op te boer en die res van die grond word vir weiding gebruik. Ek glo dit is belangrik om vir mense, veral die jonger geslag, te wys jy kan ’n bestaan uit boerdery maak,” sê Lewis.

Die vereniging huur die grond by die Saldanhabaai-munisipaliteit en betaal maandeliks vir hul waterverbruik.

Anneta Lotriet se tuin het ook vermelding by dié geleentheid gekry. Volgens Lewis het Lotriet ’n aanvoeling vir groente en vrugte en kweek ook die heerlikste waatlemoene.

Die titel vir beste varkboer vir 2019 behoort aan Marlin Holtzman terwyl Chris Titus die skoonste kamp het.

Die topplaaswerker van die jaar is Oupa Hendrik van Rooi wie se hande vir niks verkeerd staan nie.

Lewis sê uitdagings soos veediefstal, bosslapers en drade wat gereeld gesteel word, is algemeen.

“Al is daar moeilike tye wil die kleinskaalse boere van Vredenburg niks anders doen as om te boer nie,” het Lewis gesê.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Weslander Kontak ons
Stemme

Hallo, jy moet ingeteken wees of registreer om artikels te lees.