Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Nog geen beslissing oor Etzebeth

SA Rugby sê hy gee sy volle samewerking in die ondersoek teen die Spring­bok Eben Etze­beth (27) nadat ’n klag van aan­ran­­ding teen dié rugby­speler aanhangig gemaak is.

Die nasionale vervolgings­gesag en die Menseregtekom­missie stel ondersoek na Etzebeth in nadat ’n klag teen hom ingedien is.

Dit volg nadat Etzebeth en ’n groep van 12 tot 15 vriende verlede maand in Langebaan gekuier het. Die groep was vermoedelik eers by die seiljagklub en later by Die Watergat. Twee mans is na bewering Saterdagaand in ’n parkeerterrein naby die kuierplek aangerand en deur Etzebeth en sy gevolg glo die woord “h*tn*t” toegesnou.

Ná die voorval het die Die Khoisan Defiance Campaign ’n klag van rassisme by die Menseregtekom­missie in gedien. Sammy Claassen, woordvoerder van die organisasie, het vandeesweek gesê ’n vergadering met die Kommissie, SA Rugby en dié organisasie sal Vrydag 20 September plaasvind.

Claassen meen Eben Etzebeth, sy broer Emile Etzebeth en hul vriende met gedagvaar word om voor die Kommissie te verskyn.

“Ons gaan ook ’n klag by die polisie-waghond Opod indien om die mediaverklaring van Etzebeth, waarin hy beweer het dat Langebaan-polisie hom verseker dat hy van alle strafregtelike klagte teen hom vrygespreek is, ondersoek word,” lui ’n verklaring deur die Khoisan Defiance Campaign.

Volgens Peter de Villers, voormalige Springbok-afrigter, het SA Rugby die voorval baie ligtelik opgeneem en ’n interne ondersoek sou die regte besluit gewees het terwyl die speler geskors word totdat sy naam in ere herstel is.

Op sy beurt ontken Etzebeth aantygings van rassisme.

Hy het ná die voorval in Augustus op sosiale media verklaar die aantygings teen hom is “heeltemal onwaar en ongegrond”. Die rugbybase sê voorts hulle sal die uitkoms van die ondersoek respekteer en gehoor gee aan die besluite.

Volgens Nigel Sameuls, die regsverteenwoordiger van die slagoffers, is die dossier steeds by die direkteur van openbare vervolging vir ’n beslissing.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Weslander Kontak ons
Stemme

Hallo, jy moet ingeteken wees of registreer om artikels te lees.