Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Sake
Aflegging nie die einde nie

Aflegging gaan met vrees en verleentheid gepaard.

Met die sluiting van Saldanha Staal en talle ander sakeondernemings wat swaar trek, is afleggings ongelukkig iets wat vele Weskussers raak.

Geld-ghoeroes het ’n paar wenke om werkers deur die proses te help totdat hulle nuwe werk kry:

1. Maak kontak met jou krediteure –verduidelik jou situasie. In baie gevalle kan krediteure jou tegemoet kom. Dit is een van die eerste oproepe wat gemaak moet word wanneer jy uitvind jy word retrench.

2. Noodfonds – gevalle soos hierdie is hoekom almal minstens vir drie tot ses maande se uitgawes moet spaar. Noodsaaklike onkostes kan met dié geld gedek word.

3. Stel ’n oorlewingsbegroting op as jy nog nie een het nie. Hierdie begroting is die mees basiese begroting wat ’n gesin sal moet volg om te oorleef. Uitgawes soos wegneemetes, nuwe klere en uitstappies sal vir eers opsy geskuif moet word.

4. Gebruik jou Werkloosheids­versekeringsfonds oftewel UIF.

Gewoonlik word ’n maandelikse bydrae van ’n werknemer én ’n werkgewer geneem om dié fonds aan te vul. Nou is die tyd om dit te gebruik.

Vir diegene wat hulself finansieel wil staal teen afdankings, is ’n paar produkte beskikbaar wat sal kan help, meen die geld-ghoeroes.

Finansiële instansies bied produkte wat spesifiek voorsorg tref vir afleggings – sogenaamde “retrenchment protectors”.

Dit kan ’n polis of ’n fonds wees.

Doen deeglike navorsing om te bepaal watter soort “beskermer” jou die beste sal pas.

Afleggings gaan ook met ’n paar moenies gepaard:

– Moenie dink dis jou skuld nie en maak seker jy gesels met iemand daaroor.

– Moenie dink jy het nie opsies nie – krediteure WIL jou geld hê en sal dus poog om jou tydelik te help.

Afdanking is ’n vreesaanjaende ervaring, maar moenie alleen in ’n hoekie sit nie.

Hulp ís beskikbaar.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Weslander Kontak ons
Stemme

Hallo, jy moet ingeteken wees of registreer om artikels te lees.