Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Sake
Petrolprys-partytjie dalk van korte duur

Die daling in Suid-Afrikaanse brandstofpryse in Desember is straks net ’n tydelike gelukkie.

Oliepryse het Maandag 3 Desember met 5% gestyg in reaksie op die ooreenkoms tussen Amerika en China dat hoër Amerikaanse invoertariewe teen $200 miljard se Chinese produkte eers op die lange baan geskuif word.

Minder spanning tussen die twee ekonomiese reuse beteken meer geleentheid vir ekonomiese aktiwiteite, wat die vraag na olie sal laat styg.

Verder het die Kanadese provinsie Alberta besluit om olieproduksie met 325 000 vate per dag te sny, en Rusland en Saoedi-Arabië het die naweek ooreengekom om nouer saam te werk om olieproduksie te sny sodat die pryse kan herstel.

Brent-ruoliepryse in Londen was Maandag 4,59% hoër op $62,19 per vat. Dit het die afgelope maand stelselmatig van meer as $70 per vat tot onder $60 gedaal. Al wat die oliepryse teruggehou het, was Katar se aankondiging dat hy hom aan die Organisasie van Petroleumuitvoerlande (Opul) wil onttrek om op aardgas te fokus.

Petrolpryse is Woensdag in Suid-Afrika met R1,84 per liter verlaag.

As oliepryse herstel, kan brandstofpryse vroeg in 2019 weer styg. - Franscois Williams, Netwerk24

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Weslander Kontak ons
Stemme

Hallo, jy moet ingeteken wees of registreer om artikels te lees.