Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Sake
Sakekamer beplan om verder uit te brei

’n Nuwe bestuur met talle bekende gesigte is vir die Weskus-sakekamer verkies.

Die plan vir 2020 is om meer lede asook meer aktiewe lede te kry om by die sakekamer aan te sluit, het Shanah Damonse, wat nou haar tweede jaar as voorsitter aanpak, gesê.

“Die sakekamer was, namens ons lede, deel van verskeie inisiatiewe en gemeenskaps-projekte. Daar was talle geleenthede waar ons pro-aktief by die gemeenskap, sakelui en rolspelers betrokke was,” het Damonse verduidelik.

Een van die suksesvolle inisiatiewe was ’n beroepsdag wat in samewerking met Hoërskool Vredenburg aangepak is. Damonse het gesê die sakekamer streef daarna om dié geleentheid ’n jaarlikse instelling te maak waar jongmense meer inligting ten opsigte van beroepe en tersiêre studies kan kry.

Die sakekamer was ook een van die rolspelers wat gehelp het met die stigting van Chamber Air, wat vlugte tussen Kaapstad en die Saldanha-vliegveld bied.

Die Weskus-sakekamer het verlede jaar sy eerste gholfdag aangepak en danksy al die harde werk was die dag ’n groot sukses.

Marlu Lennox van Reko het die geldsake voorgelê. Volgens Lennox klop die boeke, hoewel baie sakekamerlede se ledegeld agterstallig is.

Uitgawes het ten opsigte van die vorige boekjaar gestyg aangesien bestuurslede se reis en verblyf nou deur die sakekamer betaal word.

Volgens Damonse is dit ongelukkig só dat wanneer ’n organisasie skouer aan die wiel begin sit, meer uitgawes daarmee gepaard gaan.

Benewens die geldsake is ’n nuwe bestuur ook verkies. Vyf tot agt lede word daarvoor benodig met vyf lede die minimum.

Die nuwe bestuur is met vyf benoemings en Damonse wat as voorsitter aanbly, sonder ’n verkiesing ingehuldig.. Besoek die Weskus-sakekamer se webblad by weskussakekamer.co.za vir plaaslike sakenuus en ander geleenthede.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Weslander Kontak ons
Stemme

Hallo, jy moet ingeteken wees of registreer om artikels te lees.