Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Weslander
Lyk gevind tydens soektog na tiener

Die lyk van ’n onbekende persoon is Donderdagoggend (12 Julie) langs die Laingville-sportveld gevind.

Lede van die gemeenskap het op die lyk, wat glo toegedraai was, afgekom terwyl hulle gesoek het na die 16-jarige Berodine Boyce wat sedert Vrydag 6 Julie vermis word.

Tydens ’n gemeenskapsvergadering Woensdagaand is daar besluit dat vrywilligers 09:00 bymekaarkom en in groepe verskillende dele van die dorp sal deursoek.
Skare mense het heeldag op die sportveld saamgedrom terwyl die polisie op lede van die forensiese-eenheid gewag het wat glo uit Kaapstad moes kom.
’n Gemeenskapsleier Thyrone Williams, het die skare rondom 13:00 saamgeroep en bevestig dat ’n lyk gevind is.

“Ons gaan nie spekuleer nie. Die polisie wag vir die forensics om te kom uit die Kaap uit, sodat daar ’n regte werk gedoen word. Hulle wil nie die toneel opmors en as daai mense kom is daar niks evidence nie,” het Williams gesê.

Williams het ook gevra dat die gemeenskap hul samewerking gee om nie die polisie se ondersoek te belemmer nie.
Daar sal vanaand (12 Julie) ’n gemeenskapsvergadering gehou word om terugvoering te gee na aanleiding van die vonds. 
Volgens die polisie kan daar in dié stadium nie bevestig word of die lyk dié van Boyce is nie.

Meer oor:  St. Helenabaai  |  Weskus  |  Moord  |  Vermiste Meisie
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Weslander Kontak ons
Stemme

Hallo, jy moet ingeteken wees of registreer om artikels te lees.