Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Byderhand-Pionierstories in Blindiana

Die Byderhand-Pionierstories, ’n projek deur die Pionierskool vir siggestremdheid en die Byderhand-projek van die Noordwes-Universiteit, is van 30 Augustus af in die Blindiana-barista beskikbaar vir die gemeenskap van Worcester om te ervaar.

Blinde en siggestremde skrywers, almal leerders en oudleerders van die Pionierskool, het vertellinge oor hul skooljare, loopbane en herinneringe vir hierdie projek neergepen. Die Pionierstories is op die skoolterrein van Pionierskool aangebring, op die spesifieke plekke waarna in elke storie verwys word. Die skrywers is op die openingsdag na ’n geselligheid by Blindiana-barista (by Innovation for the Blind) genooi om hul eie stories die eerste keer te ervaar.

Philip Crouse, Nicky Labuschagne en Christo Vorster is van die plaaslike skrywers wat die geselligheid bygewoon het en was beïndruk met die wyse waarop hul verhale gepubliseer is.

Die Byderhand-Pionierstories werk deur middel van ’n QR-kode met instruksies in braille en gedrukte teks op ’n houtbordjie, wat met ’n slimfoon geskandeer en dan gelees of geluister kan word. Quinten Pendle het al die pad van Klerksdorp af gereis om die geselligheid by te woon en na sy verhaal te luister. Blindiana se eie blinde koffiemaker, Joseph Matheatau, se verhaal is ook deel van die projek.

Dr. William Rowland is ’n bekende digter, leiersfiguur en kundige op die gebied van siggestremdheid en baie betrokke by internasionale blinde gemeenskappe.

Daarbenewens is hy ook ’n oudinwoner van Worcester en ’n alumni van die Pionierskool. Sy gedig “Die huis waar ek woon” is een van die sentrale literêre werke in die Byderhand-Pionierskoolprojek.

Hy het by die bekendstelling van die Pionierstories in Blindiana gesê hy is opgewonde oor die vindingrykheid van die projek. “Ek is opgewonde om hier op ’n plek te wees wat ek liefhet, waar my hartsnare is – Worcester en die Instituut vir Blindes – en ou kennisse weer raak te loop, alles saamgebind deur hierdie pragtige projek,” sê Dr. Rowland.

Altesaam 27 stories is in hierdie besondere versameling wat nou in Blindiana Barista beskikbaar is, waar enigiemand uit die Worcester-gemeenskap oor ’n smaaklike ete of koppie koffie ’n storie kan geniet.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Worcester Standard Kontak ons
Stemme

Hallo, jy moet ingeteken wees of registreer om artikels te lees.