Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Geliefde Oom Boet groet

’n Bekende inwoner van Worcester wat diep spore in kerk-meelewing en Kerskore hier in die dorp getrap het, die 83-jarige William “Oom Boet” August, is verlede Dinsdag (8 Desember) aan Covid-19-verwante oorsake in die Worcester-hospitaal oorlede.

Oom Boet, soos hy alombekend was, is hier in Worcester gebore en het eers by HexTex gewerk voordat hy langer as 20 jaar by Die Burger gewerk het, waar hy vir die verspreiding van die koerant in Worcester en omliggende dorpe verantwoordelik was.

Daarna was hy vir 17 jaar tot sy aftrede koster van die VGK se gemeente Worcester-Oos.

Oom Boet was met Titty getroud en hy het agt kinders, 13 klein­kinders en 10 agterkleinkinders.

Hy het sy hele lewe aan diens van die kerk en kerklike aktiwiteite gewy. Hy het eers etlike termyne op die kerkraad van die VGK Worcester-Suid (toe nog NG Sendingkerk) gedien en nadat hy 49 jaar gelede na Van Zyllaan verhuis het, het hy sommer met die intrapslag lid van die NG Sendinggemeente Worcester-Oos se kerkraad geword. Hy is ook deur genoemde gemeente in 1990 na die geskiedkundige sinode afgevaardig, wat uiteindelik tot die totstandkoming van die Verenigende Gereformeerde Kerk (VGK) gelei het.

Oom Boet was ook deel van Worcester-Oos se mannebediening en was ondervoorsitter van dié vereniging.

Sy ander passie en liefde was Kerskore. Hy was langer as 60 jaar lid van die bekende The Fleet waar hy tot sy afsterwe as president gedien het. Hy was ook bestuurslid van die Kaapse Wynland-Kerskoor-unie en ’n gerespekteerde lid van die Suid-Afrikaanse Kerskoorraad. Hoe ver sy gemeenskapsbetrok­kenheid ook in ander sfere gestrek het, blyk uit die feit dat hy ook op die beheerliggame van Roodewal Primêr en Worcester Sekondêr gedien het.

Oom Boet is verlede Saterdag vanuit die VGK Worcester-Oos ter ruste gelê.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Worcester Standard Kontak ons
Stemme

Hallo, jy moet ingeteken wees of registreer om artikels te lees.