Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Nuus
Groepe ondersteuners kom apart die hof in

- Vervolg van bladsy 1.

Luidens ooggetuies het ’n onderonsie tussen Weise, ’n subkontrakteur, en Jacobs die dag van die skietvoorval uitgebreek toe Jacobs en sy suster in ’n vullisdrom vir skroot gesoek het.

Luidens ooggetuies is Jacobs eers deur Weise met ’n stok geslaan en gesteek, waarna hy (Jacobs) ’n baksteen opgetel het en toe deur Weise geskiet is.

Die hof was Dinsdag aanvanklik só volgepak deur ondersteuners van Weise dat Jacobs se ondersteuners nie plek kon kry nie. Hulle het ook geweier om die hofsaal gedurende die teepouse te verlaat soos hofprotokol in die Worcester-hof vereis. Ná die pouse het Jacobs se ondersteuners by die deure ingestroom en in die gangetjies gestaan.

’n Bekgeveg het toe tussen ondersteuners van albei kante uitgebreek.

’n Dominee uit die gehoor het opgestaan en almal tot kalmte gemaan.

Die ondersteuners het toe ooreengekom dat almal sal uitgaan en dat die families van albei partye die eerste bank kan volmaak, waarna ses “van elke kant” in die hof sou instap totdat die hof vol is.

Jacobs se ondersteuners moes by die linkerkantste deur ingaan terwyl Weise se ondersteuners regs moes ingaan. Dit het die res van die dag só verloop.

Die Breedevallei Onafhanklik (BO)-party het voor die hofsitting ’n petisie met 600 handtekeninge teen borgtog vir Weise ingedien.

Die ondersoekbeampte, AO Deon Damons, het die petisie in sy getuienis aangehaal as een van die redes waarom Weise nie borgtog moet kry nie. Nog ’n rede wat hy gegee het was dat Weise nie die polisie en ambulans ná die voorval ontbied het nie en direk terug is kantoor toe. Weise se prokureur, Asghar Mia van William Booth-prokureurs, het aangevoer Weise se selfoonrekords sal bewys dat hy wel die polisie en ambulans gebel het.

Damons het verder getuig: “Daar het sowat twee maande voor die voorval ook ’n voorval plaasgevind op dieselfde plek voor Weise se werksplek. ’n Persoon beweer dat hy gekonfronteer is deur ’n bruin man wat gesê het hy moenie in die drom krap nie. Die man beweer toe verder dat die beskuldigde (Weise) opgedaag het in dieselfde wit bakkie as die een waarmee hy gery het op die dag van die moord. Die beskuldigde het toe die man geklap en hom vasgegryp. Die man het homself losgekry en toe loop hy weg. Die beskuldigde het toe met die bakkie agter hom aangery en die beskuldigde het weer ’n rusie ontlok. Die beskuldigde roep toe die man na sy bakkie en hy het toe glo die man gesproei met ‘pepper spray’ uit sy bakkie.”

Damons het ook getuig dat die beskuldigde na die “gevaar” toe is en dat hy nooit probeer het om die konfrontasie te vermy nie. Mia het Damons gevra of hy al self die toneel waar die skietvoorval plaasgevind het, besoek het, waarop hy ontkennend geantwoord het. Onder kruisondervraging het dit ook aan die lig gekom Damons het nog nie sekere ooggetuies se verklarings afgeneem nie.

Landdros Alethea Ford het die borgtogaansoek tot 7 Augustus uitgestel sodat Mia sy kruisondervraging van Damons kan voortsit.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Worcester Standard Kontak ons
Stemme

Hallo, jy moet ingeteken wees of registreer om artikels te lees.