Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Skole
‘As ek oor tien jaar terugkyk, sal ek nie spyt wees nie’

Die hoofmeisie van 2020 van HTS Drostdy, Mia Ramsauer, het die pas aangegee vir haar medematrikulante en het as topkandidaat haar skoolloopbaan by dié skool afgesluit.

Ramsauer het met Standard gesels oor die moeilike jaar wat matrikulante moes deurmaak en het ook haar wenresep gedeel om ander te inspireer.

“Dit was ’n moeilike jaar met ‘curveballs’ wat na ons toe geslinger was. Ek is vir seker trots op my uitslae, maar dit is ook menslik om altyd te wil verbeter,” vertel Ramsauer.

Mia Ramsauer
Mia Ramsauer is HTS Drostdy se topmatrikulant.

Sy beskou haar uitslae as ’n seëning te midde van die inperking en tuisonderrig wat hulle moes oorkom.

“Dit is belangrik om in tye soos dié die groter prentjie raak te sien en doelgerig te werk te gaan om jou drome te bewaarheid.”

Die slimkop het ’n gemiddeld van 92% in haar finale matriekeksamen gekry.

Sy is nou op pad om haar graad in veeartsenykunde te voltooi.

“Ek het vroeg tot die besef gekom dat ek self verantwoordelikheid sal moet neem as ek enigsins sou wou sukses behaal. Om skuld op die pandemie te pak sou my drome niks help nie en ek het skouer aan die wiel gesit.”

Ramsauer se wenresep is eenvoudig maar verg steeds dissipline: “Werk deurlopend hard, hou God naby om kop bo water te hou”.

Sy was ook bevoorreg om ’n goeie ondersteuningsnetwerk te hê soos haar onderwysers by haar alma mater.

“My advies aan die klas van 2021 is dat hulle vinnig moet besef dat hulle jaar nie ‘normaal’ sal uitdraai nie. Leer jouself klein dingetjies raaksien, soos vriendskap en kameraadskap met jou medematrikulante.”

Die belangrikheid van lang- en korttermyn doelwitte wat nie beïnvloed word deur moontlike veranderlikes buite jou beheer nie, is ook deel van Ramsauer se raad aan vanjaar se matrikulante.

“Harde werk bring altyd sukses wat nooit teleurstel nie,” sluit sy af.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Kontak Worcester Standard Kontak ons
Stemme

Hallo, jy moet ingeteken wees of registreer om artikels te lees.