Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Skole
Worcester-skool kan nou toer

Worcester Rooms-Katolieke (RK) Primêre Skool het onlangs vir die eerste keer in die skool se geskiede­nis ’n skoolbussie gekoop.

Die skool bestaan reeds vir 57 jaar. Die skoolhoof, Hubert Titus, sê dit was ’n samewerkingsprojek tussen ouers, leerders en die personeel.

“Ek is geweldig trots op die skoolgemeenskap. Ons ouers ondersteun die belange van hul kinders,” sê die trotse skoolhoof.

Die totale bedrag van R380 000 is deur geldinsamelingsprojekte ingewin. “Ons het hoenderbraaie gehou, ’n pretloop en die leerders het ook lootjies verkoop,” sê Titus.

Die voorstel vir ’n bussie is in 2016 by ’n diplomaplegtigheidsaand aan die ouers bekendgemaak. Die ouers het onmiddellik die projek ondersteun.

Die harde werk het in 2017 begin. Die skool se mikpunt was om die bedrag in 30 maande in te samel. Ná twee jaar van harde werk kan die skool nou die vrugte pluk. Die bussie sal aangewend word om leerders na sportgeleenthede en skoolaktiwiteite te vervoer.

Titus sê ’n onafhanklike vervoer­maatskappy was in die verlede te duur, juis daarom het die skool besluit om ’n bussie aan te koop.

Vader Loyolo Jacobs van die Maria Goretti Rooms-Katolieke gemeente het die bussie geseën en gebid dat die leerders en hul bestuurder veilige kilometers op die pad sal aflê.

Titus is trots op die kopie. “Hierdie wys tot watter hoogtes ons in staat is. Ons moet net groter droom en hoër mik. Vir ’n skool geleë in ’n minder­bevoorregte gebied is hierdie ’n groot mylpaal,” sê Titus.

Die skool se embleem en leuse is op die bussie.

Titus bedank almal wat gehelp het om die koop van die bussie moontlik te maak.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Worcester Standard Kontak ons
Stemme

Hallo, jy moet ingeteken wees of registreer om artikels te lees.