Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Vermaak
‘Roadtrip’ verskaf genot
die roadtrip


Worcester Sekondêre Skool (WSS) het die afgelope naweek die produksie Die Roadtrip, met Brendon Daniels en Waldemar Schultz in die hoofrolle, na Kleinteater gebring.
’n Puik voorprogram deur WSS se dramaleerders met ’n gedig en monoloë is ook gelewer. Bradley de Koker, ’n oudleerder van die skool, het die monoloog Miempie gelewer, terwyl Juandre Flink, ’n gr. 12-dramaleerder, ook ’n monoloog gelewer het. Berniehl Wildskut, ook ’n gr. 12-dramaleerder, het haar eie gedig getiteld Unknown Words opgevoer.
In Die Roadtrip is die hoofkarakters Jaco en Belarus op die pad. Die plan is ’n sloertoer van suid na noord om ’n bietjie van alles af weg te kom.
Wederhelftes, kinders, troeteldiere en werk is agtergelaat om soos van ouds die vryheid van die oop pad te geniet –sonder verpligtinge, sorge en skuldgevoelens. Alles is egter nie so maklik nie, want die lewe is nie meer so eenvoudig soos 20 jaar gelede nie.
Dinge rafel vinnig uit namate die twee hul verdwene jeug probeer herwin – met skreeusnaakse gevolge. Geheime word ontbloot en ’n verrassing wag in die bagasiebak toe die teëspoed hulle in die middel van nêrens tref.
Die produksie was ook vroeër vanjaar by die KKNK en die Woordfees te sien.
’n Drama-onderwyser van die skool, Natasha Africa, sê sy en Brendon hanteer ’n projek om produksies van buite na Worcester te bring om sodoende die dorp aan akteurs bekend te stel en blootstelling te gee aan plaaslike dramastudente.
Vir later vanjaar, in Augustus, beplan hulle weer ’n aand met ander bekende akteurs.
Hou Standard dop vir inligting.
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Kontak Worcester Standard Kontak ons
Stemme

Hallo, jy moet ingeteken wees of registreer om artikels te lees.