book-icon Uitgawe Junie & Julie 2018

Borsvoeding: Oorkom die struikelblokke

akkreditasie
Getty Images
Getty Images

Jou lyf is darem maar ’n wonderlike ding. Gedurende jou swangerskap begin jou borste al verander namate jou liggaam hom voorberei om vir jou nuwe baba te sorg. En wanneer jou baba gebore word, is daar twee hoofhormone – prolaktien en oksitosien – wat sorg dat jy meer as genoeg melk het. Hierdie hormone beïnvloed melkproduksie en -afskeiding. Albei word deur die pituïtêre klier of hipofise vervaardig. Dié klier sit aan die onderkant van die skedel en is so groot soos ’n ertjie. Die voorste lob van die hipofise stel prolaktien in die bloedstroom vry en die agterste lob oksitosien. Prolaktien is die hormoon wat aanvanklik die melkkliere stimuleer om borsmelk te maak. Jou melkvlak wissel deur die dag en tydens voedings: In die aande en wanneer jy rus, is dit baie hoër en teen laatmiddag het jy gewoonlik die minste melk. Oksitosien verhoog die bloedtoevoer na die borste en laat die spiere om die melkkliere saamtrek om die melk in die buise te dwing. Met ’n voeding styg en val die oksitosienvlak in ooreenstemming met die uitpomp van melk. Dié proses noem ons die sakrefleks. Dis die einste sakrefleks wat al vir menige verleentheid gesorg het omdat dit kan veroorsaak dat melk uit jou bors begin drup of selfs spuit wanneer jy jou baba hoor huil of wanneer voedingstyd nader kom. Oksitosien, wat soms die nesskrop-hormoon genoem word, kan jou ook lomerig en ontspanne laat voel.

Hoe meer jou baba aan die bors drink, hoe meer melk maak jou lyf. Daarom is die beste behandeling vir te min melk juis om jou baba meer gereeld aan jou borste te laat drink. Hou in gedagte dat jou baba se vraag na melk gaan verander namate hy groei en ontwikkel. Dit gebeur dikwels teen 10 dae, drie weke, ses weke, drie maande en ses maande oud, want dis wanneer hy ’n groeiversnelling beleef. Eenvoudig gestel het die hoeveelheid melk wat jou bors maak, baie met vraag en aanbod te doen. ’n Ma van ’n tweeling sal byvoorbeeld dubbel die hoeveelheid melk kan maak as ’n ma met net een baba. Volgens navorsing kan jy met elke sakrefleks omtrent 35 ml borsmelk vrystel en kan jy in een voeding vier sulke sakreflekse hê. Baie vroue voel egter net die eerste sakrefleks, wat die tipiese krieweling in die bors is. Dis soms effens ongemaklik, maar gelukkig duur dit nie te lank nie.

Dit is normaal dat jou tepels aanvanklik seer is wanneer jou baba vassuig, maar die pyn is nie veronderstel om langer as ’n minuut te duur nie. Beproef die volgende om te sorg dat jou baba behoorlik vassuig:

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Feb - Mei 2022

Jongste uitgawe
Lees Baba & Kleuter gerieflik in digitale formaat.
Begin lees