book-icon Uitgawe Junie & Julie 2018

Breintjie wat goed werk

akkreditasie
Getty Images
Getty Images

In die jare 90 het navorsers finaal bewys dat ’n baba wat aan liefdevolle interaksie blootgestel word, intellektueel flukser ontwikkel as babas wat nie so gelukkig was nie. Jy kan dus baie doen om jou baba se breintjie van dag een af flink te laat werk. Ons vertel jou hoe.

In die eerste jare van jou kind se lewe word sowat 700 nuwe verbindings per sekonde tussen breinselle gevorm. Die vinnige groei verduidelik waarom baba se kop binne die eerste drie jaar sowat 16 cm in omtrek toeneem – dis ongelooflik as ’n mens in ag neem dat dit in die daaropvolgende 15 jaar net nog 5 cm sal groei voor dit die volwasse grootte is! Omdat net verbindings wat gereeld benut word, permanent vir toekomstige gebruik vasgelê word, is die vroeë jare van onskatbare waarde. Die implikasie is dat jou kind waarskynlik in sy latere lewe sekere vaardighede of eienskappe nie sal ontwikkel as jy hom nie in die eerste drie jaar daaraan blootstel nie.

Volgens neuroloë verander jou baba se brein fisiek met elke nuwe verbinding wat dit skep. Dis nie soos ’n arm of been wat net in grootte toeneem namate jou kind ouer word nie. Jou baba word met sowat 100 biljoen breinselle gebore, maar kan hulle almal nie onmiddellik gebruik nie omdat die verbindings tussen die meeste selle nog nie vasgelê is nie en boodskappe dus nie tussen selle oorgedra kan word nie. Namate jou baba nuwe dinge ervaar, word verbindings geskep. Verbindings wat gereeld gebruik word, vorm digte senuweebane in die brein, terwyl verbindings wat selde gebruik word, uiteindelik in ’n sogenaamde snoeiproses verdwyn. Jy dink dalk dis ’n tragiese verlies, maar dit is eintlik broodnodig. Snoei maak die manier waarop jou baba inligting verwerk meer vaartbelyn en stel elke kind in staat om optimaal op die uitdagings van sy spesifieke omgewing te reageer, amper soos ’n plant wat gereeld gesnoei moet word om te kan gedy.

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Feb - Mei 2022

Jongste uitgawe
Lees Baba & Kleuter gerieflik in digitale formaat.
Begin lees