book-icon Uitgawe April & Mei 2019

Dís hoekom kiekeboe saak maak

akkreditasie
Getty Images
Getty Images

Dis groot pret om kiekeboe met jou baba te speel. Dis mos te dierbaar as hy jou met laggies en gilletjies van plesier beloon.

Daar is egter ’n nog beter rede as dié dosis oulikheid om speletjies met jou baba te speel: Dit is van die allergrootste belang vir jou baba se geestelike, fisieke, emosionele en sosiale ontwikkeling. “Kiekeboe en ander eenvoudige speletjies help om jou baba se sosiale vaardighede, taal en sensories-motoriese vaardighede uit te bou. Dit verbeter binding en jou baba se verhouding met haar primêre versorger, wat haar emosionele welsyn ’n hupstoot gee,” verduidelik Cheryl Fisher, ’n kinderarbeidsterapeut van Johannesburg.

Die speletjies lyk dalk eenvoudig, maar dit help jou baba om die klank van jou stem na te boots (’n fondament van taal- ontwikkeling) en gee haar motoriese vaardighede oefening wanneer sy dinge doen soos om haar bene uit opgewondenheid te skop. Die gespeel bevorder boonop sosiale vaardighede, en jy gee vir haar inligting wat sy nodig het om uit te werk waar haar liggaampie in haar omgewing is. Laasgenoemde help met motoriese beplanning (die vermoë om ’n optrede te beplan en dit in die regte volgorde van begin tot einde uit te voer) en postuurbeheer (die vermoë om die liggaam en balans te beheer).

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Feb - Mei 2022

Jongste uitgawe
Lees Baba & Kleuter gerieflik in digitale formaat.
Begin lees