book-icon Uitgawe Oktober & November 2019

Doedoe baba … asseblief!

akkreditasie
Getty Images
Getty Images

Jou baba is die mooiste, liefste ding in die wêreld, maar daar is net een probleem: Hy slaap byna glad nie. Jy lyk soos ’n uitgewaste lap en kry moordgedagtes as mense praat van babas wat, wel, soos ’n baba slaap. Goeie slaapgewoontes kan ’n groot verskil maak, sê kenners, maar hoe op aarde kry ’n mens dit reg? Begin deur rondom jou baba se eie ritme te werk, sê Erica Neser van Baby Sleep Zzzone, skrywer van verskeie boeke oor die onderwerp. “Moenie ’n roetine aan jou baba opdwing nie. ’n Roetine val gewoonlik natuurlik in plek. Kyk na jou baba se ritme – wanneer slaap hy en wanneer is hy wakker? – en werk daar rondom.” Pas ook op vir te veel van ’n voedingsroetine, sê Erica.

Babas, veral dié wat geborsvoed word, het ongereelde voedingstye, soms ’n uur uitmekaar en soms vyf uur uitmekaar. Sommige kere wil jou baba dalk vinnig drink en ander kere weer langer. “Elke ma en baba vind hul eie ritme, maar keer dat ’n horlosie jul lewe reguleer. Onthou dat jy nie jou baba by jou roetine kan laat aanpas nie; dit werk andersom. Pas jou roetine by jou baba aan,” sê Erica.

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Feb - Mei 2022

Jongste uitgawe
Lees Baba & Kleuter gerieflik in digitale formaat.
Begin lees