book-icon Uitgawe April & Mei 2019

Laat jou pasgeborene toets!

akkreditasie
Die Tilling-gesin: pa Jack met klein Jack (nou 4), Ross (8) en ma Alison.
Die Tilling-gesin: pa Jack met klein Jack (nou 4), Ross (8) en ma Alison.

My seun, Jack Christian Tilling, is op 15 Junie 2014 gebore. Hy was gesond, maar drie dae later het alles verander. Wanneer ek hom klaar geborsvoed het, het hy dit met ’n boog opgegooi, hy was lomerig en het ook moeilik asemgehaal. Ek het die verpleegster laat weet dat iets fout is, dat hy nie voed nie en vreeslik moeg is. Sy het gesê dat ek nie daaroor bekommerd moet wees nie aangesien hy dalk te veel gedrink het en moeg kon wees. Ek kon egter nie die gevoel afskud dat iets verkeerd is nie.

Terwyl ek nog in die hospitaal was, het die verpleegster my in die vroeë oggendure wakker gemaak met die nuus dat my baba ernstig siek is. Ek het babakamer toe gehardloop en daar het ek gesien wat geen ouer ooit moet aanskou nie. Die dokter was besig om my pasgeborene suurstof te gee omdat hy nie op sy eie kon asemhaal nie. Hy het gesê dat hy Jack al vir die afgelope halfuur help asemhaal en nie sal ophou nie. Ek het hom gevra wat gebeur het. Hy het na my gekyk en kalm en sag geantwoord dat Jack in ’n koma is en sukkel om asem te haal. Hy het my weer verseker dat hy nie sou ophou om vir Jack te help asemhaal nie.

Hy kon die verwarring en wanhoop op my gesig sien. Hy het my gevra: ”Wat is jou pragtige baba se naam?” Ek het vir hom gesê en toe kyk hy na my en antwoord: ”Moenie bekommerd wees nie, ma, met so ’n naam sal hy die oormag trotseer. Hy gaan julle rowwe Jack wees.” Ek het na my baba gekyk, maar hy het net daar gelê. Ek het sy naam geroep en wou hom so graag vashou.

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Feb - Mei 2022

Jongste uitgawe
Lees Baba & Kleuter gerieflik in digitale formaat.
Begin lees