book-icon Uitgawe Desember 2017 & Januarie 2018

Jou baba: Maak mylpale maklik

akkreditasie

Babas ontwikkel ’n reeks vaardighede in hul vroeë lewensjare, van sit en kruip tot loop en later selfs hardloop en trappe klim. Al dié vaardighede vereis postuur- en motoriese beheer. Hoe ryper jou kind se sentrale senuweestelsel word, hoe verder ontwikkel sy motoriese gedrag, sê Anro-mari Cohen, ’n fisioterapeut van Vredendal in die Wes-Kaap. “Jou baba se brein, skelet, gewrigte en senuweestelsel moet goed kan saamwerk en daarom ontwikkel elke bewegingsmylpaal teen ’n spesifieke ouderdom,” sê sy. Wanneer jou baba een mylpaal bemeester het, moet hy eers nuwe vaardighede aanleer voor hy die volgende mylpaal kan aanpak en oorwin. “Hy moet byvoorbeeld eers leer kruip en hom tot in ’n staande posisie kan optrek voor hy kan loop,” verduidelik Anro-mari. Ontwikkeling vind gewoonlik van bo na onder plaas. Jou baba leer eerste om sy koppie te beheer en daarna volg die res van sy lyf. “Elke mylpaal wat hy baasraak, bou op die vorige mylpaal wat behaal is,” verduidelik Anro-mari.

Jou baba behoort tussen ses en nege maande oud onafhanklik te begin sit. Voor sy kan sit, is dit belangrik dat sy eers die nodige spiertjies bou wat dit vir haar moontlik maak om regop te bly en haar balans te handhaaf. Doen die volgende oefeninge met jou kleinding om haar te help.

Oefenbal Plaas jou baba op haar magie op ’n groot oefenbal en rol die bal stadig in verskillende rigtings terwyl jy haar vashou – dit sal haar balans oefen. Beproef die volgende oefening as jou baba al met steun kan sit: Laat haar op die bal sit terwyl jy haar stadig vorentoe, agtertoe en kante toe wieg sodat sy haar lyfie daarby moet aanpas om haar balans te handhaaf. Hou haar heupe ferm vas.

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Feb - Mei 2022

Jongste uitgawe
Lees Baba & Kleuter gerieflik in digitale formaat.
Begin lees