book-icon Uitgawe Oktober & November 2019

Geloof + genade = 'n drieling!

akkreditasie
Johan en Mariska van Vuuren en hul drie dapper vegters, (van links) Elimei, Mason en Marli.
Johan en Mariska van Vuuren en hul drie dapper vegters, (van links) Elimei, Mason en Marli.

Op ’n dorpie tussen êrens en nêrens in die hartjie van die Boesmanland woon die Van Vuurens: ’n pa, ’n ma, ’n 14-jarige en ’n drieling.

Dis ’n gewone, gelukkige gesin, maar hul pad tot hier was allermins doodgewoon en as pa Johan en ma Mariska na hul bedrywige drieling kyk, kan hulle steeds nie glo hoe gelukkig hulle is nie. Dis ’n drieling wat in Mei vanjaar ’n jaar oud geword en dit in propperse kontreistyl met ’n groot makietie gevier het. Sien jy vir boetie Mason en sy twee sussies, Marli en Elimei, is dit moeilik om te glo dat hulle met hul geboorte op 26 Mei 2018 kleiner as klein was. Mason het 820 g, Elimei 610 g en Marli 470 g geweeg – Marli was ligter as die pak macaroni in jou kruidenierstrollie!

“ ’n Klein bietjie hoop, baie geloof en tonne genade” is hoe Pa Johan hul ouerskapsreis beskryf. Dit was allesbehalwe maklik, erken dié paartjie van Aggeneys, ’n dorpie tussen Springbok en Pofadder in die Noord-Kaap. Johan (46) en Mariska (32), wat kontrak- werk vir die myn op hul dorp doen, is op 26 April 2014 getroud en wou dadelik met ’n gesin begin. Johan het reeds twee seuns uit ’n vorige huwelik, Adrian (14) en Xander (18). Mariska het ernstige endometriose gehad en haar kans was skraal om swanger te raak. Sy moes verskeie operasies ondergaan, maar toe kry hulle op 27 Desember 2017 die nuus van hul lewe. Mariska was swanger en groot was hul verbasing toe hulle tydens die sonarondersoek op Springbok nie een hartjie sien klop nie, maar drie.

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Feb - Mei 2022

Jongste uitgawe
Lees Baba & Kleuter gerieflik in digitale formaat.
Begin lees