book-icon Uitgawe Augustus & September 2018

Goed vir ma

akkreditasie
Katie Borland, ’n ma van twee van Kaapstad.
Katie Borland, ’n ma van twee van Kaapstad.

Waar het alles begin? Ek was nog altyd versot op klere en het mode-ontwerp studeer. Terwyl ek as stileerder in Kaapstad gewerk het, het ek by my beste vriendin gebly terwyl sy swanger was en moes ek gereeld haar “Ek het niks om aan te trek nie!”-klagtes aanhoor. Ek het toe die konsep vir ’n kraamdrag-modereeks begin ontwikkel, met as beginpunt die Yummy Mummy Tummy Belly Band, ’n nuttige naatlose band waarmee jy jou gewone klere in kraamdrag kan verander. ’n Grimeerkunstenaar wat destyds saam met my gewerk het, se man het die enigste naatlose materiaalvervaardigingsfabriek in Suid-Afrika gehad en alles het so net in plek geval! Baie het verander in die 10 jaar sedert ons die mark hier betree het. Toe ons aanvanklik begin het, het ek en my span vals swangermagies by ekspo’s gedra sodat ons die konsep van die magieband kon verduidelik! Nou weet almal daarvan ... Die groei van die besigheid het goed gevloei.

Watter rol het jou moederskap in Yummy Mummy gespeel? Ek het Yummy Mummy Maternity begin voor ek kinders gehad het, al het ek gewens vir ’n boepie van my eie! Ek glo tog dit was ’n seëning omdat dit my toegelaat het om objektief te luister na wat my kliënte wou hê sonder dat my eie ervaring hulle s’n kon oorskadu. Yummy Mummy het nog altyd op die ma gefokus en is iets wat haar gekoester laat voel in hierdie spesiale tyd van haar lewe. Dit het ook beteken dat ek baie meer tyd aan die onderneming kon afstaan sonder die eise van eie kinders. Ek het nou twee kinders, Juno (6) en Rex (4). Toe hulle klein was, het dit ’n taamlike balanseertoertjie afgegee om genoeg aandag en liefde te gee aan my werklike babas en my sakebaba. Ek onthou nog hoe ek in die hoek van ’n bouterrein tussen die stof en gemors gesit en uitmelk het toe ons ons eerste winkel oopgemaak het!

Die beste en slegste van entrepreneurskap? Ek geniet dit dat ek my eie agenda en werktyd kan bepaal. Ek is vroegoggend by my lessenaar asook laat in die nag, wat beteken dat ek in die middae by die kinders kan wees. Ons het onlangs Kaapstad toe getrek, en is gelukkig genoeg om middagpret op die strand of ’n wynplaas te kan hê. Maar daar is ’n prys te betaal vir hierdie soort vryheid: Jy is nooit regtig af wanneer jy vir jouself werk nie.

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Feb - Mei 2022

Jongste uitgawe
Lees Baba & Kleuter gerieflik in digitale formaat.
Begin lees