book-icon Uitgawe Desember 2018 & Januarie 2019

Hou veilig vakansie

akkreditasie
Getty Images
Getty Images

Selfs die kleinste botsing teen ’n lae spoed kan vir ’n baba of kind noodlottig wees. Hoekom? Babas en kinders se kop is in verhouding met hul lyf baie groter en swaarder as ’n volwassene s’n. Hul skedel is ook dunner en hul nek is nog sag en die spiere en ligamente nog onderontwikkel. Wanneer hulle ’n kopbesering opdoen, is die gevolge dus veel ernstiger as by ’n volwassene. ’n Botsing teen selfs net 15 km/h kan ernstige gevolge vir jou baba inhou. Moet ook nie dink dat jy jou kind op jou skoot sal kan vashou nie – dis fisiek onmoontlik. Dit is waarom kinders liefs op die agtersitplek moet sit en vasgegordel moet wees in ‘n stoeltjie.

Babamotorstoeltjies wat na agter kyk is die veiligste. Skaf jou stoeltjies so aan dat jy jou baba vir so lank as moontlik in dié posisie laat saamry. Botsings van voor is die algemeenste, en die posisie waar jou baba na agter kyk bied in so ’n geval die beste beskerming. Onthou, jy moet jou baba se gewig in aanmerking neem wanneer jy ’n stoeltjie kies, nie sy ouderdom nie.

Veiligheidsgordels is ’n moet, maar het jy geweet dat dit vir volwassenes ontwerp is? As jou kind dus nog korter as 1,5 m is (soos gewoonlik onder 12 jaar oud), moet julle beslis nog ’n opstootstoeltjie gebruik om te verseker dat die gordel reg werk. As jou kind hoër sit, pas die gordel korrek sywaarts oor sy lyf en bly dit by die heupe ook in die regte posisie. Dis ook die wet dat ’n kind onder 12 nie voor mag sit nie. Onthou, dit geld ongeag hoe ver julle ry. ’n Stapel kussings of telefoonboek is beslis nie ’n veilige plaasvervanger vir ’n motorstoeltjie nie.

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Feb - Mei 2022

Jongste uitgawe
Lees Baba & Kleuter gerieflik in digitale formaat.
Begin lees