book-icon Uitgawe Augustus & September 2019

Krulkoppies in Korea

akkreditasie
Rigard Kruger en Nicola Vaughan saam met Parker (30 maande) en Freya (6 maande).
Rigard Kruger en Nicola Vaughan saam met Parker (30 maande) en Freya (6 maande).

Dis ’n interessante nuwe wêreld waarin ons woon. Dis ’n wêreld waarin ons kinders al na meer lande in utero gereis het as wat meeste mense in hul hele lewe het. ’n Wêreld waarin ons kerngesin bestaan uit ’n Suid-Afrikaner, ’n Suid-Afrikaanse Brit gebore in Zimbabwe, ’n Suid-Afrikaanse Brit gebore in Engeland en ’n Suid-Afrikaner gebore in Korea. Waar lede van ons uitgebreide familie dwarsoor die wêreld versprei is. Waar ons beoog om eendag in ’n Europese land wortel te skiet. Miskien is ons uniek, maar ek dink nie so nie. Reis is in ons bloed.

Dit was als goed en wel toe ek en my vrou, Nicky, besluit het om vir ’n jaar te gaan reis voor ons met ’n gesin begin. Ons 40 liter-rugsakke was gepak met alles wat ’n mens moontlik in enige deel van die jaar in enige land nodig sou kon kry. En ons het dit boonop as handbagasie saamgeneem! Dit was perfek. Reis was maklik, gerieflik, vinnig en lekker.

Deesdae werk dinge ’n bietjie anders. Op pad winkel toe? Dis maklik met dubbel die gewig waarmee ons uit Suid-Afrika vertrek het. En wanneer ’n mens praat van tyd wat dit kos om te reis? Sjoe, vier volgestopte tasse later hardloop ons rond om te keer dat ons 30 maande oue seun, Parker, nie op die landingsbaan verongeluk nie, gryp handbagasie en stap aan boord sodat ons asseblief tog net kan sit – en Freya, ons ses maande oue dogtertjie, se opgooi van ons kan afvee. Dan eers begin die reis, met die vliegtuig van Jeju na Seoel (twee uur), met die bus van Seoel na Incheon (een uur), weer op die vliegtuig van Incheon na Doebai (10 uur) en dan eindelik van Doebai na Kaapstad (10 uur). En natuurlik is daar lang stopsessies tussenin. Om met kinders op ’n lughawe vasgekeer te wees is natuurlik, wel, nie so aangenaam nie.

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Feb - Mei 2022

Jongste uitgawe
Lees Baba & Kleuter gerieflik in digitale formaat.
Begin lees