book-icon Uitgawe Augustus & September 2019

Lus vir ’n laatlam

akkreditasie
Getty Images
Getty Images

Laatlammetjie is ’n heerlike, eg Afrikaanse woord. Baie paartjies begin vroeg met ’n gesin, net om ’n paar jaar later weer te smag na die aanraking van ’n sagte babawang in jou nek, voete wat jou maag knie en waggelbeentjies wat daardie eerste tree gee. En dan is daar ook diegene wat onverhoeds betrap word …

Annamarie Davel van Hendrina in Mpumalanga was 45 toe sy ná ’n kursus antibiotika ontdek het sy is swanger. Vir haar man, Hennie, was dit aanvanklik ’n skok, maar vir haar dogters, Jeanmarie (toe 18) en Soria (toe 15) was dit ’n wonderlike verrassing! Vandag is Dané nege jaar oud. Om op die rype ouderdom van 53 ’n graadtweetjie te hê, is nie altyd maklik nie. Annamarie vertel dat sy soms maar moet ma én maatjie speel, maar dit hou haar en haar man, Hennie, jonk en fiks. “Dané kry alles met ons reg! Jy streef na perfeksie met jou eerste kinders, maar met die laaste een, veral op so ’n laat ouderdom, bekommer jy jou nie meer oor die klein goedjies nie.” Die twee ouer sussies het baklei oor wie Dané kon bad en bottel gee. En noudat elkeen haar eie gesin het, kuier sy gereeld by hulle.

Cobus Bester (34), ’n apteker van Johannesburg, was self ’n laatlam. Sy sussies, Nadia en Helenè, is onderskeidelik ses en agt jaar ouer as hy, maar hy het sy plek as heksluitertjie geniet. “Dit was lekker om twee rolmodelle te hê na wie ek kon opkyk, maar wat my ook toegelaat het om stout te wees,” vertel hy. Ja, hy was die kleintjie en sy mening het nie altyd so baie getel nie, onthou hy laggend. In sekere opsigte beskou die oususse hom steeds as die kleintjie, maar sedert hy ’n beroepsman met ’n gesin van sy eie is, vertrou hulle ook sy mening. Dit was lekker om die laatlam te wees en hy was gedurig verlief op een van sy sussies se vriendinne, onthou hy. Soms is hy getugtig. “Hulle het my aangespreek oor die simpel tienerrebellie wat hulle gesê het my nêrens sou bring nie, maar hul raad was altyd geldig.”

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Feb - Mei 2022

Jongste uitgawe
Lees Baba & Kleuter gerieflik in digitale formaat.
Begin lees