book-icon Uitgawe Desember 2017 & Januarie 1028

Met vakansie

akkreditasie
Jaco Jacobs, Baba & Kleuter se rubriekskrywer, en sy dogters.
Jaco Jacobs, Baba & Kleuter se rubriekskrywer, en sy dogters.

Geduld. Deursettingsvermoë. ’n Gesonde humorsin. Dis maar ’n paar van die karaktereienskappe wat jou nuttig te pas kom as jy ’n Desembervakansie saam met twee kleuters wil oorleef.

Dit begin al met die inpakslag. Elke jaar probeer ek my bes om die hoeveelheid bagasie tot ’n minimum te beperk. “Vanjaar pak ek nét die nodigste,” belowe die moeder des huises al ’n week voor die tyd ewe plegtig. Ek hou die inpakkery met ’n valkoog dop. “Is jy seker al daai skoene is régtig nodig?” vra ek versigtig en bekyk die sak waarin reeds genoeg skoene gepak is om ’n groterige kleuterskool ’n jaar lank gestewel en gespoor te hou. My vraag word begroet met ’n Kyk. En ’n verduideliking. Sien, elke enkele paar skoene in die sak is met ’n rede daar.

Dit werk min of meer so: Daar is Emma se strandplakkies wat sy laas jaar by die see gedra het en wat nie meer so lekker pas nie, maar dis haar gunsteling, so dit kán nie by die huis bly nie. Dan is daar haar strandplakkies wat die gemaklikste pas en waarmee sy lang ente kan stap, maar wat nie mag nat word nie. En dan is daar die strandplakkies wat taamlik gemaklik pas én nat mag word. Als broodnodig, dus.

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Feb - Mei 2022

Jongste uitgawe
Lees Baba & Kleuter gerieflik in digitale formaat.
Begin lees