book-icon Uitgawe Mei & Junie 2020

Redakteursbrief: Logika & stories

akkreditasie
Baba & Kleuter, Mei & Junie 2020
Baba & Kleuter, Mei & Junie 2020

Dis vanjaar volgens die Wêreld Gesondheidsorganisasie die jaar van die verpleegster. Hulle kon nie ’n beter jaar hiervoor gekies het nie, met die koronavirus wat so verwoesting saai. Die helfte van alle gesondheidswerkers is verpleegsters. Sonder hulle sal hospitale en klinieke glad nie kan funksioneer nie. Meeste van hulle is vroue, en dis seker nie verkeerd van my om te raai dat meeste ook ma’s is nie. 

Dink jou in hoe moeilik ’n dag in so iemand se lewe moet wees... Tydens die grendelstaat moet sy werk toe gaan om ander te help, maar die skole is toe en dus is haar kinders tuis of sy moet ’n ander plan met hulle maak, wat hopelik nog steeds ook beteken dat hulle kan isoleer vir hul eie veiligheid. Sy’s in die hoogste risiko-groep om siek te word, en dus ook bang dat sy kieme huis toe vat.

Teen die tyd dat hierdie brief van my gepubliseer word, gaan dit waarskynlik die geval wees dat elke liewe een van ons al iemand ken wat weens Covid-19 oorlede is. Mens wil nie regtig daaraan dink nie. Ek het natuurlik nie ’n kristalbal nie en skryf hierdie brief lank voor die tydskrif op die rak kom. Ek het nog nooit so hard gewens om oor iets verkeerd te wees nie.

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Feb - Mei 2022

Jongste uitgawe
Lees Baba & Kleuter gerieflik in digitale formaat.
Begin lees