book-icon Uitgawe Oktober & November 2018

Tatta, postnatale depressie!

akkreditasie
Ina du Toit en haar tweeling, 
Hannes en Lisa (15 maande)
Ina du Toit en haar tweeling, Hannes en Lisa (15 maande)

Ina en Johan du Toit het ná jare van sukkel eindelik met ’n tweeling swanger geraak. Hannes en Lisa is nou 15 maande oud en is op 37 weke met ’n keisersnee in die lewe gebring. Dié twee, wat met geboorte baie gesond was, het net omtrent vyf dae in die neonatale intensiewesorg-eenheid (NISE) deurgebring. “Die geboorte en die tweeling se toestand was eintlik baie beter as dit waarop ons ons voorberei het,” vertel Ina (35).

Sy was gelukkig om self ook in die hospitaal te kon aanbly terwyl die tweeling in die NISE was, “wat reëlings makliker gemaak het”, sê Ina. “Ouerskap was vir my baie nuut. Daarom was dit gerieflik om by hulle in die hospitaal te wees. Hoewel dit nie maklik was nie, want die bababloute het my ’n paar dae ná Hannes en Lisa se geboorte getref.”

Ina en die kleintjies is ná vyf dae uit die hospitaal ontslaan en kon na hul huis in Centurion terugkeer. Johan het vir ’n week of wat verlof geneem om Ina met die tweeling te ondersteun. “Johan het so maklik in die pa-rol ingegly. Sy hande het vir niks verkeerd gestaan nie. Die eerste ruk was egter vir my rof, want ek moes snags skielik opstaan om te voed en doeke te ruil. Ek het net ná die geboorte besef dat borsvoeding sy tol gaan eis en het bottelvoedings begin gee met die idee dat Johan my snags kon help voed.”

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Feb - Mei 2022

Jongste uitgawe
Lees Baba & Kleuter gerieflik in digitale formaat.
Begin lees