book-icon Uitgawe Augustus & September 2018

Geheime Sintuie

akkreditasie
Getty Images
Getty Images

Jou liggaam is voortdurend besig om inligting te verwerk oor waar jy in verhouding tot ander dinge is, waar jou liggaamsdele ten opsigte van mekaar is, of jou spiere en gewrigte gespanne, ontspanne, gestrek of gebuig is, en wat jy volgende gaan doen – alles sonder dat jy twee keer daaroor dink. Jou kleuter se lyfie werk net so, behalwe dat hy sy bewegingsintuie nog moet verfyn en ontwikkel. Die ervaring van beweging is ’n sintuig – jy kan immers “voel” jy beweeg al is jou oë toe. Daar is twee groot bewegingsintuie wat jou kleinding se beweging bepaal: die vestibulêre stelsel en proprioseptiewe stelsel. Wat beteken hierdie groot woorde en wat moet jy as ouer daaroor weet?

Die vestibulêre stelsel reageer op jou liggaam se bewegings in ruimte en die verandering van die kop se posisie, en help om die lyf se bewegings te koördineer. Dit speel ’n kritieke rol in balans en jou ervaring van waar jy is ten opsigte van ander voorwerpe. Die kern van dié stelsel is in die binneoor gesetel. Dit help jou liggaam om die regte spiertonus te hê vir ’n bepaalde handeling, help die twee kante van die lyf om saam te werk en help jou ook regop hou teen swaartekrag.

Kinders met vestibulêre probleme kan hipersensitief vir beweging wees en dit dus probeer vermy, amper asof hulle bang is hulle gaan val. So nie, kan hulle ’n buitengewone behoefte aan beweging hê. Hulle kan dus swaaie vermy en stiller aktiwiteite verkies, dit haat om in ’n hysbak of met roltrappe te ry, bang wees om te val al is daar geen risiko voor nie, bang wees vir lae hoogtes, en versigtig wees vir enige ongelyke oppervlak. Hulle hou nie daarvan as jy hulle onderstebo hou nie, verloor maklik hul balans en kom lomp voor. Of hulle kan heeltemal die teenoorgestelde wees: Hulle kan die heeltyd beweeg, daarvan hou om vinnig te tol, gek wees daaroor as jy hulle in die lug gooi en eindeloos in die rondte draai sonder om dronk te voel. Hulle kan voortdurend op die trampolien spring en hou daarvan om onderstebo te hang. Hulle doen soms gevaarlike dinge.

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Feb - Mei 2022

Jongste uitgawe
Lees Baba & Kleuter gerieflik in digitale formaat.
Begin lees