book-icon Uitgawe Augustus & September 2019

Help jou kleuter om kleure baas te raak

akkreditasie
Getty Images
Getty Images

Die vaslegging van kleurbegrip begin reeds met geboorte. Eksperimente het gewys selfs klein babatjies reageer verskillend op verskillende kleure en staar byvoorbeeld langer na ’n blou of groen voorwerp as na ’n rooie. Hulle het egter hulp nodig om te leer watter naam by watter kleur pas, maar hulle kan dit van twee jaar af begin leer.

Teen die tyd dat jou kind graad O toe gaan, word haar kleurherkenning beoordeel en sal sy ook al kleurpatrone moet kan onderskei soos twee geel, een rooi, twee geel en een rooi. Dit vorm die basis van belangrike wiskundige vaardighede. Hier is ’n paar prettige speletjies wat kan help om kleure vroeg al vas te lê.

Maak ’n groot dobbelsteen van gekleurde karton. Elke kant moet ’n ander kleur wees. Pas sekere optredes by elke kleur: As dit rooi is, moet ons plat op die grond gaan sit; as dit geel is, moet ons in die lug opspring; en as dit groen is, moet ons ’n maatjie groet. Maak beurte om die dobbelsteen te gooi en die kleure uit te roep terwyl julle almal die gepaste aksies uitvoer.

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Feb - Mei 2022

Jongste uitgawe
Lees Baba & Kleuter gerieflik in digitale formaat.
Begin lees