book-icon Uitgawe Junie & Julie 2018

Luister só na jou kleuter

akkreditasie
Getty Images
Getty Images

Aktiewe luister help jou kind wanneer hy ongelukkig is of ongemaklike emosies moet verwerk. Aktiewe luister help hom om sy emosies te ontlont wanneer hy ontsteld is. Maar voordat ons by aktiewe luister uitkom, moet ons eers na nieverbale kommunikasie en passiewe luister kyk.

Nieverbale kommunikasie verwys na die dinge wat ons sê sonder om woorde te gebruik. Dit sluit in ons stemtoon, gesigsuitdrukking, handbewegings, oogkontak en lyftaal. Hóé jy iets sê, is baie belangriker as wát jy sê – nie net in die kommunikasie tussen ouers en kinders nie, maar in álle verhoudings. Hier is ’n voorbeeld: Jy is in die kombuis besig om wortels te rasper. Jou dogter kom ingehardloop en sê: “Mamma, luister gou hier.” Jy antwoord: “Ek luister na jou, my liefie,” maar jy gaan aan om die wortels te rasper met jou rug na jou kind gekeer. In hierdie situasie word die verbale kommunikasie (“Ek luister …”) heeltemal deur die nieverbale boodskap (jy hou aan rasper met jou rug na jou kind toe gedraai) oorskadu. Jou dogter kry ’n negatiewe boodskap en is glad nie oortuig dat jy na haar luister nie. Dit is waarom dit so belangrik is om noukeurig op jou nieverbale kommunikasie te let wanneer jy met jou kinders praat. Maak seker jou kind ontvang ’n positiewe boodskap. Onthou, deur regtig na jou kind te luister, programmeer jy in sy brein dat hy belangrik is. Luister daarom meer as wat jy praat. Daar is vyf dinge wat ’n mens behoort te doen as jy doeltreffend wil luister:

1. Jy kyk jou kind vas in die oë terwyl julle gesigte na mekaar gedraai is. Onthou, moenie oor jou skouer met iemand praat nie. Dit is ’n swak posisie vir positiewe kommunikasie.
2. Dit is belangrik dat jy nie jou arms vou nie. Dit plaas ’n versperring tussen julle.
3. Dit werk in jou guns as jy effens vorentoe leun of jou kop vorentoe buig, want dit gee aan jou kind die gevoel dat hulle al jou aandag het en dat jy na net hulle luister en met hulle praat. Dit laat hulle ook voel jy is regtig betrokke by die gesprek.
4. Oogkontak is absoluut noodsaaklik vir doeltreffende kommunikasie.
5. As jy gespanne is, dra jy hierdie spanning binne twee tot 16 minute aan die ander persoon oor.

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Feb - Mei 2022

Jongste uitgawe
Lees Baba & Kleuter gerieflik in digitale formaat.
Begin lees