book-icon Uitgawe Desember 2018 & Januarie 2019

Peuters weet wat hulle wil hê

akkreditasie
Getty Images
Getty Images

Teen hierdie tyd het jy agtergekom dat die woordjie “nee” ’n gunsteling is, en dat selfs die dinge waarvan sy nou die dag nog gehou het, deesdae ’n oorlog veroorsaak. Hou op om jou te verwyt! Jou kind gaan deur ’n natuurlike fase waarin sy daarvan bewus raak dat sy ’n aparte mensie van haar geliefde ouers is. Dit is vir haar ’n moeilike emosionele proses om vrede te maak met haar onafhanklikheid. Soms wil sy alles op haar eie doen, terwyl sy ander kere weer klouerig en afhanklik van jou is.

Dit sal haar baie help as jy koel en kalm bly tydens konfrontasies en jou reëls konsekwent hou. Dit sal sekuriteit skep in selfs die ergste van storms! ’n Kind tussen 12 en 24 maande oud verstaan die woord “nee” en kan in sekere gevalle haar samewerking gee. Sy is egter glad nie volwasse genoeg om te verstaan waarom jy kwaad word en wat die rede daarvoor is nie – selfs al is sý die rede. Om dan jou stem te verhef, te raas of te raps, gaan haar net bang maak of ontsenu. Uiteindelik gaan sy nie iets daaruit leer nie.

Dit is daarom nodig dat jy kalm en ferm bly. Wanneer jou kind vir jou “nee” sê, is sy bloot besig om jou na te boots. Al voel dit soms asof sy jou aspris uittart, is dit op daardie ouderdom nie werklik moontlik nie. Sy is net besig om haar onafhanklikheid op ’n manier uit te druk.

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Feb - Mei 2022

Jongste uitgawe
Lees Baba & Kleuter gerieflik in digitale formaat.
Begin lees