Lego-koek

• 1 hoeveelheid vanieljekoekbeslag

• 1 hoeveelheid botterversiersel

• voedselkleursel in primêre kleure (rooi, geel en blou)

• sowat 6 malvalekkers

Voorverhit die oond tot 180 °C.

1. Verdeel die vanieljekoekmengsel tussen 1 vierkantige en 1 reghoekige broodpan en bak elkeen 30 minute.

2. Laat afkoel en keer die koeke uit. Die reghoekige koek is die basisblok. Sny die vierkantige koek in 4 kleiner vierkante – dis die ander Lego-blokkies.

3. Plaas 3 vierkantige koeke bo-op mekaar om ’n hoër blok te vorm en pak 1 vierkantige blok op die reghoekige koek.

4. Verdeel die botterversiersel in drie hoeveelhede en kleur elkeen ’n ander kleur met die voedselkleursel. Versier elke koek soos op die foto hierbo.

5. Sny die malvalekkers in die helfte en versier ook met die botterversiersel. Plak dit op die blokke soos op die foto.

Vanieljekoekbeslag

• 310 ml (1¼ k) strooisuiker

• 310 ml (1¼ k) sagte botter

• 6 groot eiers

• 750 ml (3 k) rysmeel

• 15 ml (3 t) bakpoeier

• 2,5 ml (½ t) sout

• 60 ml (¼ k) melk

• 10 ml (2 t) vanieljegeursel

Plaas al die bestanddele in die volgorde hierbo in ’n mengbak en meng tot dit glad is.

Maklike botterversiersel

(Genoeg vir 2 groot koeke)

• 250 g botter

• 500 g versiersuiker

Klits die botter met ’n elektriese menger en voeg die versiersuiker lepel vir lepel by. Meng goed. Klits 2-3 minute tot die versiersel lig en donsig is.