JY HET NODIG

  • 1 baksel vanielje-koekbesla
  • Roomkaasversiersel, in drie gedeel en een met voedselkleursel gekleur

GAAN SO TE WERK

1. Bak die koek in ronde, vierkantige of broodpanne.

2. Sny die koek dan in die nodige vorms om ‘n syfer te vorm.

3. Smeer ’n derde van die koek met wit versiersel.

4. Gebruik die punt van ’n tandestokkie om ’n klein hoeveelheid van die voedselkleursel wat jy gebruik het, by die tweede bak wit versiersel te meng.

5. Versier die tweede derde van die koek daarmee.

6. Versier die laaste derde van die koek met die gekleurde versiersuiker sodat jou koek drie skakerings van dieselfde kleur is.

KORTPAD
As jy nie tyd het om koek te bak nie, kan jy roomys gebruik. Laat dit effens sag word en skep dit in die koekpanne (wat met kleefpapier uitgevoer is) wat jy sou gebruik het om die koek te bak. Sorg dat die bokant glad is en vries. Versier dit met versiersuiker soos bo aangedui.

Basiese vanieljekoek

  • 310 ml (1¼ k) strooisuiker
  • 310 ml (1¼ k) sagte botter
  • 6 groot eiers
  • 750 ml (3 k) rysmeel
  • 15 ml (3 t) bakpoeier
  • 2 ml (½ t) sout
  • 60 ml (¼ k) melk
  • 10 ml (2 t) vanielje-ekstrak Plaas al die bestanddele in die volgorde hierbo in ’n mengbak en meng tot glad.

Roomkaasversiersel

  • 250 g sagte botter
  • 500 g versiersuiker
  • 250 g roomkaas Klop die botter in ’n staanmenger of met ’n elektriese menger terwyl jy die versiersuiker lepel vir lepel byvoeg tot goed gemeng. Klop dan die sagte roomkaas saam by.