Reënboogkoek

  • 1 baksel basiese vanielje-koekbeslag (sien onder)
  • 7 verskillende kleure jelvoedselkleursel (ons het Xmas Red, Orange, Egg Yolk Yellow, Electric Green, Sky Blue, Fuchsia en Violet gebruik)
  • Roomkaasversiersel (sien onder)
  • Kleurryke strooiseltjies vir versiering

Voorverhit die oond tot 180 grade Celsius.

1. Deel die koekmengsel in gelyke dele in sewe verskillende bakke. Kleur elke bak se mengsel met ’n ander kleur voedselkleursel.

2. Begin met een kleur en versprei ’n dun lagie koekmengsel op die bodem van ’n ronde 20 cm-blikkoekpan. As jy nie sewe verskillende koekpanne het nie, kan jy twee op ’n slag berei tot jy al sewe koeklae gebak het. Bak elke laag 10 minute. Verwyder uit die oond en laat elke koek effens afkoel voor jy dit op ’n afkoelrak uitkeer om behoorlik af te koel. Draai elke koeklaag met kleefplastiek toe wanneer dit afgekoel het en vries ’n paar uur of oornag voor jy dit versier.

3. Plak die lae met versiersel op mekaar vas. Smeer versiersel buiteom en versier bo-op met strooiseltjies.

Basiese vanielje-koek

  • 1¼ koppie strooisuiker
  • 1¼ koppie sagte botter
  • 6 groot eiers
  • 3 koppies rysmeel
  • 3 teelepels bakpoeier
  • ½ teelepel sout
  • ¼ koppie melk
  • 2 teelepels vanieljeekstrak

Plaas al die bestanddele in die volgorde soos wat dit hier gelys is in ’n mengbak en meng tot dit glad is.

Roomkaasversiersel

  • 250 g sagte botter
  • 500 g versiersuiker
  • 250 g roomkaas

Klop die botter in ’n staanmenger of met ’n elektriese menger terwyl jy die versiersuiker lepel vir lepel byvoeg tot goed gemeng. Klop dan die sagte roomkaas saam by.