Baba-muesli

Baba-muesli

BESTANDDELE

  • 1 koppie (250 ml) hawermout
  • 1 eetlepel (15 ml) gedroogde appelkose
  • 1 eetlepel (15 ml) pitlose rosyne vir voorsit
  • 2 eetlepels (30 ml) skoon water
  • ¼ ryp piesang, fyngedruk
  • 2 eetlepels (30 ml) natuurlike volroomjogurt

METODE

1 Plaas die hawermout, appelkose en rosyntjies in ’n voedselverwerker en pols tot ’n fyn en melerige mengsel.

2 Hou die muesli-mengsel in ’n lugdigte houer en gebruik ’n gehoopte eetlepel op ’n slag vir baba se ontbyt. Dit sal weke lank hou.

3 Om voor te sit Laat ’n eetlepel muesli oornag in water week. Meng die piesang en jogurt deur net voor jy jou baba voer.


Murgpampoentjie-en-­­quinoa-puree
Murgpampoentjie-en-­­quinoa-puree

Murgpampoentjie-en-quinoa-puree

BESTANDDELE

  • 1 prei, gewas en opgesny
  • 1 teelepel (5 ml) olyfolie
  • 200 g patat, geskil en in blokkies gesny
  • 4 of 5 murgpampoentjies, gewas en in skyfies gesny
  • ¼ koppie (60 ml) quinoa, volgens die aanwysings op die pakkie gaargemaak
  • 300 ml skoon water

METODE

1 Braai die prei 5 tot 10 minute in die olyfolie tot sag. Voeg die patat by en laat 20 tot 25 minute prut. Voeg die murgpampoentjies by en laat nog 5 tot 10 minute prut tot sag.

2 Maak die groente met ’n vurk fyn. Skep vir jou baba ’n porsie uit en roer quinoa deur om tekstuur by te voeg (kies soveel as wat jy weet jou baba sal eet). Vries die res van die groente en quinoa vir latere gebruik.

Het jy geweet?
Quinoa is ’n ryk bron van proteïen, kalsium en yster en werk uitstekend as babakos.


Murgpampoentjie-koekies

Murgpampoentjie-koekies

BESTANDDELE

  • 1 koppie (250 ml) bruismeel
  • 3 eiers, liggies geklits
  • 4 of 5 murgpampoentjies, gerasper
  • 2 wiele fetakaas, gekrummel
  • 1 teelepel (5 ml) paprika
  • 1 eetlepel (15 ml) pietersielie, gekap
  • 1 eetlepel (15 ml) kruisement, gekap
  • olyfolie vir braai

METODE

1 Meng die meel en eiers in ’n groot bak tot glad. Voeg die res van die bestanddele behalwe die olie by en meng goed.

2 Giet genoeg olyfolie in ’n kleefvrye pan om die boom te bedek en skep dan eetlepels vol van die beslag in die pan. Braai aan albei kante tot goudbruin.

3 Sit voor met gerasperde cheddarkaas of maak vir die hele gesin ’n ontbyt deur dit saam met spek, geroosterde tamaties, maaskaas en gerookte salm of forel voor te sit.


Viskoekies met ertjiepuree
Viskoekies met ertjiepuree

Viskoekies met ertjiepuree

BESTANDDELE

ERTJIEPUREE

  • 2 aartappels, geskil en in blokkies gesny
  • 500 g bevrore ertjies
  • 25 g botter
  • sout en peper na smaak

VISKOEKIES

  • 500 g stokvis- of ander witvisfilette, ontvries en gevlok
  • 1 sprietui, fyngekap
  • gerasperde skil van 1 suurlemoen
  • 2 eiers, liggies geklits
  • 2 eetlepels (30 ml) meel
  • knippie sout
  • olie vir braai

METODE

1 Ertjiepuree: Kook die aartappels in water tot net sag. Voeg die ertjies by en kook nog 5 minute. Verwyder van die hitte, roer die botter deur, en maak alles fyn. Hou ’n porsie eenkant vir baba en geur die res na smaak met die sout en peper vir die grootmense.

2 Viskoekies: Plaas al die viskoekie-bestanddele behalwe die olie in ’n voedselverwerker en pols tot alles net-net gemeng is.

3 Giet sowat 1 cm olie in ’n pan en verhit. Braai eetlepels vol viskoekiemengsel. Draai eers om wanneer die een kant heeltemal goudbruin is.

4 Skep uit wanneer albei kante mooi bruin is en hou eenkant op kombuispapier sodat die olie kan dreineer.

5 Verhit die ertjiepuree indien nodig en sit voor saam met die viskoekies.


Vispastei

Vispastei

BESTANDDELE

BOLAAG

  • 4 groot aartappels, geskil en in blokkies gesny
  • 2 wortels, geskil en in blokkies gesny
  • 2 eetlepels (30 ml) botter
  • ¼ koppie (60 ml) warm melk

VULSEL

  • 300 g bevrore gerookte skelvisfilette
  • 300 g bevrore stokvisfilette
  • 450 ml melk
  • 1 lourierblaar
  • gerasperde skil van 1 suurlemoen
  • 1 koppie (250 ml) bevrore ertjies
  • 1 koppie (250 ml) bevrore mielies OF vars mieliepitte, van die stronk gesny
  • 2 eetlepels (30 ml) botter
  • 2 eetlepels (30 ml) meel
  • ’n hand vol pietersielie
  • sout na smaak
  • sap van ½ suurlemoen

METODE

1 Voorverhit die oond tot 200 °C.

2 Bolaag: Kook die aartappels en wortels sowat 15 minute in baie soutwater saam tot baie sag. Dreineer goed en maak fyn saam met die botter en melk.

3 Vulsel: Plaas die skel- en stokvis, melk, lourierblaar en suurlemoenskil in ’n oondvaste bak. Bak sowat 20 minute in die verhitte oond. Verwyder die vis en hou die melk eenkant vir die witsous.

4 Vlok die vis, verwyder die grate en vel en pak terug in die bak. Sprinkel die ertjies en mielies oor.

5 Smelt die botter oor lae hitte in ’n groot kastrol. Roer die meel by en dan die melk wat jy eenkant gehou het. Laat sowat 15 minute saggies prut en roer elke af en toe met ’n draadklopper.

6 Roer die pietersielie by en geur met die sout. Laat die sous effens afkoel en voeg die suurlemoensap by. Giet die witsous oor die vismengsel.

7 Skep die fynaartappels bo-op en maak glad. Plaas die pastei in die oond en bak 20 minute tot goudbruin bo-op.