Ongekookte klei

Jy het nodig:

  • 250ml (1 koppie) meel
  • 60ml sout
  • 15ml (1eetlepel) kookolie
  • paar druppels voedselkleursel
  • 125ml water

Maak so:

  • Meng die meel en sout saam.
  • Voeg die olie by
  • Voeg die voedselkleur by die water 
  • Voeg die water bietjie vir bietjie by die meelmengsel
  • Knie die mengsel tot glad

Gegeurde klei

Jy het nodig:

  • 250ml (1 koppie) meel
  • 60ml sout
  • 1 klein pakkie (25g) aanmaakkoeldrankpoeier
  • 160ml water
  • 15ml olie

Maak so:

  • Meng die meel, sout en koeldrankpoeier
  • Kook die water en klits olie by
  • Giet die water-en-olie-mengsel bietjie vir bietjie by die droë bestanddele en meng tot jy die verlangde tekstuur vir 'n dik klei het.

Rekkerige klei

Jy het nodig:

  • 250ml (1 koppie) haaropknapper
  • 500ml (2 koppies) mielieblom

Maak so:

  • Meng die bestanddele saam om 'n glibberige, rekkerige klei te vorm 

Wenke:

  • Nog variasies: Voeg druppels gegeurde olie, fyn blinkertjies of druppels voedselkleursel by.
  • Verfris klei wat uitgedroog het met 'n paar druppels water.
  • Bêre die klei deur dit styf met kleefplastiek toe te draai en in 'n houertjie te plaas.