Oosterse rolletjies

  • 75 g rysvermicelli
  • 1 pakkie ryspapierrolle (te kry by Oosterse spesialiteitswinkels)
  • 200 g hoenderstukkies (gebruik sommer oorskiet)
  • 2 murgpampoentjies, in fyn repies gesny
  • 1 wortel, in fyn repies gesny
  • ½ k (125ml) koljanderblare
  • ½ k (125 ml) soetrissiesous of blatjang

Gaan so te werk

1. Plaas die rysvermicelli in ’n bak, bedek met kookwater en laat 10 minute staan. Dreineer goed.

2. Vul ’n bak met warm water. Doop die ryspapierrolle een-een sowat 15 sekondes lank daarin.

3. Plaas die rolle op ’n werkoppervlak en skep rysvermicelli daarop, gevolg deur hoender, groente en koljander. Rol styf op en vou die kante in. Pak die rolle styf teen mekaar op ’n mooi bord en bedek met ’n klam lappie.

4. Verwyder die lappie net voor ete en sit voor met soet brandrissiesous waarin die rolletjies gedoop kan word. 

Wenk

Peuters hou van doopkos, maar gee hulle ’n minder skerp sous.

Foto: Noëleen Foster

Ook in hierde uitgawe: