Reënboogrolletjies

Bestanddele

  • 8 slaaiblare
  • 1 wortel, geskil en in klein stokkies gesny
  • ½ komkommer, in klein stokkies gesny
  • ¼ rooikool, in fyn repies gesny
  • 2 sprietuie, in fyn repies
  • 1 rooi soetrissie, in fyn repies gesny
  • klein bossie koljanderblare

Groondboontjiedoopsous

  • ¾ k (180 ml) grondboontjiebotter
  • ¼ k (60 ml) sojasous
  • ¼ k (60 ml) rysasyn
  • ¼ k (60 ml) water
  • 2 e (30 ml) heuning
  • 1 knoffelhuisie, gekneus
  • 1e (15 ml) heuning

Gaan so te werk

1. Plaas elke slaaiblaar op ’n vel waspapier en pak ’n paar wortelstokkies, komkommerstokkies en sprietui- en soetrissie­repies op elkeen. Rond af met ’n paar koljanderblare.

2. Gebruik die waspapier om jou te help om alles styf toe te rol. Bind met ’n stukkie tou vas.

3. Doopsous Meng al die bestanddele saam in ’n bak.

WENK

Dit kan taamlik morsig wees om die reënboogrolletjies te eet. Die waspapier help om alles bymekaar te hou. Skil net genoeg papier af sodat n hap kan vat.


Seeslaai

Bestanddele

  • 1 kropslaai, gewas en in hapgrootte stukke geskeur
  • 1 selderystingel, in fyn repies gesny
  • 1 blikkie soliede tuna, gedreineer
  • ½ rooi-ui, in fyn repies gesny
  • 1 k kersietamaties, gehalveer
  • 10 pitlose swartolywe
  • 1 hardgekookte eier (opsioneel)
  • gestoomde groenbone (opsioneel)

Slaaisous

  • ¼ k (60 ml) natuurlike volroomjogurt
  • 3 e (45 ml) mayonnaise
  • 1 e (15 ml) suurlemoensap
  • ½ knoffelhuisie, gekneus
  • 1 e (15 ml) gekapte pietersielie
  • 1 e (15 ml) gekapte grasuie
  • sout en swartpeper na smaak

Gaan so te werk

1. Rangskik al die slaaibestanddele mooi in ’n groot vlak bak.

2. Slaaisous Klits al die bestanddele saam en giet oor die slaai.

WENK

Kyk gerus watter oorskietkos in die yskas jy by die slaai kna voeg, soos koue aartappels of geroosterde oorskietgroente.

Chai-&-bessie-flessie

Bestanddele

  • ½ k (125 ml) chiasade
  • 1 blik (410 g) klappermelk
  • 1 e (15 ml) heuning
  • 1 k (250 ml) frambose
  • 1 t (5 ml) heuning (opsioneel)
  • bloubessies, aarbeie en frambose vir garnering

Gaan so te werk

1. Plaas die chiasade in ’n middelslagbak. Giet die klappermelk oor en roer die heuning deur. Bedek en plaas ’n paar uur of oornag in die yskas.

2. Druk die frambose pap. Voeg die heuning by as die frambose te suur is. Skep van die chiamengsel in ’n glasflessie en skep ’n laag framboospuree bo-op. Rond af met ’n paar vars bessies en sit voor.

Sjokoladepotjies

Bestanddele

  • ¼ k (60 ml) donkersjokolade, in stukkies gebreek
  • 2 ryp avokado’s, fyngedruk
  • ¼ k (60 ml) esdoringstroop of heuning
  • ¼ k (60 ml) kakaopoeier
  • 2 e (30 ml) melk (gebruik gerus amandel- of klappermelk)
  • 1 t (5 ml) vanielje-ekstrak
  • ¼ t (1 ml) fyn Himalaja-sout
  • natuurlike volroomjogurt en vars bessies vir voorsit

Gaan so te werk

1. Plaas die sjokolade in ’n klein bak en plaas dit oor ’n groter bak wat halfvol kookwater is. Roer tot die sjokolade gesmelt het. Laat effens afkoel.

2. Klits die gesmelte sjokolade, fyn avokado, stroop of heuning, kakaopoeier, melk, vanielje en sout saam tot glad en romerig.

3. Skep porsies in glaspotjies en bêre minstens 3 uur in die yskas. Sit voor met ’n skep jogurt en bessies.