Wortel- & spinasiepuree
Wortel- & spinasiepuree

Wortel- & spinasiepuree

Geskik vanaf 6 maande

Bereiding 25 minute

Lewer ¼ koppie groentepuree

MAAK SO

  • Skil 2 groot wortels en kap in stukke. Stoom 15 minute tot sag. Giet die water af. Laat die wortels effens afkoel en meng saam met 2 eetlepels borsmelk of afgekoelde water tot glad.
  • Kap 250 g spinasie fyn en stoom 8 minute tot sag. Laat afkoel en meng met 1 eetlepel borsmelk of afgekoelde water tot glad.
  • Meng 2 eetlepels wortelpuree met 1 eet­lepel spinasiepuree. Gee jou kind soveel puree as wat sy wil eet. 
Wenke
  • Bedek die puree en bêre tot 1 dag in die yskas.
  • Of skep in porsies van 1 eetlepel in ysblokkiehouers, bedek en vries tot 1 maand.
  • Verhit bevrore porsies in ’n mikrogolf­oond teen matige hitte tot dit net warm is. 


 Murgpampoentjie- & mieliepuree
Murgpampoentjie- & mieliepuree

Murgpampoentjie-& mieliepuree

Geskik vanaf 6 maande

Bereiding 10-12 minute

Lewer 1½ koppies groentepuree

MAAK SO

  • Kap 2 klein murgpampoentjies grof. Bedek met ½ koppie water in ’n middelslag-kastrol.
  • Voeg 1 koppie baba-ertjies en 1 koppie vars of bevrore mieliepitte by.
  • Kook 5 minute oor matige hitte tot sag. Dreineer, maar behou 1 eetlepel kookvloeistof.
  • Laat afkoel en puree dan die groente en vloeistof saam. Laat jou kind soveel puree eet as wat sy wil.
Wenke
  • Bedek en bêre tot 1 dag in die yskas.
  • Of skep in porsies van 1 eetlepel in ysblokkiehouers, bedek en vries tot 1 maand.


Geroosterde appel- & pruimmengsel
Geroosterde appel- & pruimmengsel

Geroosterde appel- & pruimmengsel

Geskik vanaf 6 maande

Bereiding 30 minute

Lewer ¾ koppie vrugtepuree

MAAK SO

  • Voorverhit die oond tot 200 °C. Voer ’n klein oondbakkie met bakpapier uit.
  • Sny 2 groot, geskilde rooi appels in agtstes. Halveer en verwyder die pit van 1middelslag-pruim.
  • Plaas die vrugte na aan mekaar in die voorbereide bak.
  • Besprinkel met 3 teelepels water en rooster 20 minute of tot sag.
  • Skep die vrugte in ’n klein bakkie en druk met ’n vurk so fyn as verkies.
  • Laat afkoel. Gee jou kind soveel as wat sy wil eet.
Wenke
  • Bedek en bêre tot 1 dag in die yskas.
  • Of skep in porsies van 1 eetlepel in ysblokkiehouers, bedek en vries tot 1 maand.
  • Jy kan die appels en pruim met ander vrugte vervang soos nektariens, appel­kose, perskes of pere.


Appel- & bloubessiepuree

Appel- & bloubessiepuree

Geskik vanaf 6 maande

Bereiding 20 minute

Lewer 1 koppie vrugtepuree

MAAK SO

  • Meng 2 groot, geskilde rooi appels, ½ koppie bevrore bloubessies en 1eetlepel water in ’n kastrolletjie en laat opkook.
  • Verlaag die hitte, bedek en laat prut 10 minute of tot die vrugte sag is.
  • Laat afkoel en puree tot glad. Druk die puree deur ’n sif om van enige stukkies skil ontslae te raak.
  • Gee jou kind soveel puree as wat sy wil eet.
Wenke
  • Ons het rooi appels gebruik omdat groen appels dikwels te suur vir babas is. Golden Delicious is taamlik soet en kan ook gebruik word.
  • Bedek die puree en bêre tot 1 dag in die yskas.
  • Of skep porsies van 1 eetlepel in ysblokkiehouers, bedek en vries vir tot 1 maand.