Spanspekpuree

Voorbereiding: 5 minute

Resep maak 1 koppie (12 eetlepels)

Geskik vanaf 6 maande

MAAK SO Skil die spanspek af en maak seker daar is geen groen stukke nie. Verwyder ook al die pitte. Puree 500 g daarvan tot glad. Gee jou baba soveel daarvan as wat sy wil eet.

WENKE Hou in die yskas, bedek, vir een dag. Puree kan vir ’n maand gevries word, in porsies van een eetlepel in ysblokkiehouers wat jy bedek.

Vla-appelpuree

Voorbereiding: 10 minute

Resep maak 1 koppie (12 eetlepels)

Geskik vanaf 6 maande

MAAK SO Puree 400 g geskilde, ontpitte, ryp appel tot heeltemal glad. Gee jou kind soveel puree as wat hy wil eet.

WENKE Bedek oorskiet en hou in die yskas vir een dag. Puree kan gevries word vir ’n maand, in porsies van een eetlepel in ysblokkiehouers wat jy bedek.

Avokadopuree

Voorbereiding: 5 minute

Resep maak 1 koppie (12 eetlepels)

Geskik vanaf 6 maande

MAAK SO Skil en ontpit ’n avokado en maak heeltemal fyn tot glad. Gee jou kind soveel as wat sy wil eet.

WENKE Dis beter om avokado dadelik te eet sodra dit gemaak is.

Appelpuree & babapap

Voorbereiding en gaarmaak: 15 minute (+ afkoeltyd)

Resep maak 2 koppies (24 eetlepels)

Geskik vanaf 6 maande

MAAK SO Meng 3 eetlepels babapap met 1 koppie water in ’n klein kastrol. Roer oor matige hitte tot die mengsel borrel en verdik. Laat afkoel tot kamertemperatuur. Maak appelpuree deur 2 groot appels af te skil, in stukke te sny en te stoom tot gaar. Verwerk tot glad. Kombineer 1 eetlepel babapap met 1 eetlepel appelpuree en sit voor.

WENKE 

  • Hierdie resep maak 1 koppie babapap en 1 koppie appelpuree. Hou dit apart in die yskas vir ’n dag, bedek.
  • Vries apart in porsies van een eetlepel elk, in ysblokkiehouers wat jy bedek, vir tot ’n maand.
  • Vir herverhitting plaas ’n porsie van elk in die mikrogolfoond op 50 persent krag tot dit net-net warm is. Meng die twee bymekaar en sit voor.
  • Jy kan ander vrugtepuree ook by babapap voeg.

Perskepuree

Voorbereiding: 5 minutes

Resep maak 1 koppie (12 eetlepels)

Geskik vanaf 6 maande

MAAK SO Verwerk ’n blik gedreineerde perskes wat in sap geblik is tot dit heeltemal glad is. Voeg ’n bietjie van die sap by indien nodig om die regte dikte te kry. Geen jou kind soveel puree as wat sy wil eet.

WENKE

  • Vars, ryp perskes kan ook gebruik word. Halveer die perske, verwyder die pit en stoom tot die vrug sag is. Trek die vel af voor jy die perske fyn maak. Verwerk dan tot glad. 
  • Hou in die yskas vir ’n dag, of vries in porsies van ’n eetlepel elk wat jy in ysblokkiehouers skep en bedek, vir tot ’n maand.

Piesang-&-spanspekpuree

Voorbereiding: 10 minutes

Resep maak 2/3 koppie (8 eetlepels)

Geskik vanaf 6 maande

MAAK SO Druk die pulp van twee grenadellas deur ’n sif oor ’n klein bak. Gooi die pitte weg. Verwerk sowat 100 g afgeskilde spanspek en ’n mediumgrootte afgeskilde piesang saam met die grenadellasap tot glad.

WENKE Hierdie puree is nie geskik om gevries te word nie.

Perske-&-framboospuree

Voorbereiding: 25 minute (+ afkoeltyd)

Resep maak 1 koppie (12 eetlepels)

Geskik vanaf 6 maande

MAAK SO Voorverhit die oond tot 180°C. Plaas 2 medium- grootte gehalveerde, ryp perskes met die gesnyde kant na onder in ’n oondvaste bak. Voeg 1/4 koppie water by. Bak vir 15 minute of tot die perskes sag is, en laat afkoel. Verwyder die skil. Verwerk die perske saam met 125 g vars of bevrore frambose tot glad. Druk die mengsel deur ’n sif om van klein pitjies onslae te raak.

WENK Gebruik ryp perskes vir hierdie puree want groener perskes sal ’n suur smaak gee. Hou in die yskas vir ’n dag en vries oorskiet in porsies van 1 eetlepel in ysblokkiehouers wat bedek is, vir tot ’n maand.