Viskoekies met ertjiepuree 

Ertjiepuree

  • 2 aartappels, geskil en in blokkies gesny
  • 500 g bevrore ertjies
  • 25 g botter
  • sout en peper na smaak

Gaan só te werk:

1. Kook die aartappel tot sag. Voeg die ertjies by en kook vir sowat 5 minute.

2. Dreineer die groente, plaas terug in die kastrol en roer die botter by. Druk fyn.

3. Sit ’n porsie opsy vir jou baba en geur die oorblywende puree met sout en peper.

Viskoekies

  • 500 g stokvisfilette, gevlok
  • 1 sprietui, fyngekap
  • 1 suurlemoen se skil, gerasper
  • 2 eiers, liggies geklits
  • 2 e (30 ml) meel
  • knippie sout
  • olie vir braai

Gaan só te werk:

1. Plaas al die bestanddele behalwe die olie in ’n voedselverwerker en pols tot alles net-net gemeng is.

2. Verhit die olie in ’n braaipan en skep lepels vol van die vismengsel in. Braai goudbruin aan die een kant, draai om en braai verder.

3. Verwyder uit die olie en laat op kombuispapier dreineer.

Foto: Noëleen Foster

Ook in hierde uitgawe