book-icon Uitgawe Desember 2017 & Januarie 2018

’n Storie met skop

akkreditasie
Baba & Kleuter, Desember 2017 & Januarie 2018
Baba & Kleuter, Desember 2017 & Januarie 2018

Een van die lekkerste dele van my werk, is dat ek so gereeld die kans kry om my eie swangerskappe te herleef. Ek het pas Tina Otte se artikel oor baba se skoppe weer gelees, en toe onthou ek hoe my klein Sophia, nou 15 jaar oud, geskop het.

Ek was vroeg tydens my swangerskap nog hooggeregshofverslaggewer by Die Burger. Dit was ’n donker tyd in my lewe, want ek het elke dag na gruwelike misdaadverhore sit en luister. Van die goed wat ek daar gesien en gehoor het, sal ek nooit uit my kop uit kan kry nie. Ek het ’n sielkundige daaroor gesien en ek onthou hoe sy verduidelik het dat die brein op ’n sekere vlak nie kan onderskei tussen wat werklik is en wat ’n storie is nie. Die een wat bloot luister ervaar ook van die trauma in hul lyf.

Dit klink vreemd, maar dink ’n bietjie aan hoe jy self reageer as jy ’n inspirerende storie hoor of ’n hartroerende video kyk. Jy kry dalk hoendervleis, of pink ’n traan weg. Ek onthou nog dat ek dikwels toe gesê het dat ek nie as ’n swanger vrou dié werk sal wil doen nie, want ek wil my ongebore baba beslis nie aan sulke verhale blootstel nie…

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Feb - Mei 2022

Jongste uitgawe
Lees Baba & Kleuter gerieflik in digitale formaat.
Begin lees