book-icon Uitgawe Februarie & Maart 2018

Stamselle kan lewens red

akkreditasie
Getty Images
Getty Images

Jy wonder seker wat stamselle dan so spesiaal maak? Alles in jou liggaam – van jou bene tot jou brein – ontwikkel uit ’n enkele stamsel. ’n Stamsel het die onbeperkte vermoë om te vermeerder sonder om te verander, en enige soort sel of orgaan kan uit ’n sekere soort stamsel ontwikkel. Stamselle beskik dus oor die wonderlike vermoë om beskadigde selle in die liggaam uit te soek en te verander in nuwe, gesonde selle van dieselfde soort as dié wat beskadig is. Hier vertel ons jou hoe jy te werk kan gaan om jou ongebore baba teen siektes te beskerm deur sy stamselle te laat berg.

Jou baba se geboorte is ’n geleentheid om sy stamselle te bekom. Hoewel dié wonderselle uit die bloed van ouer kinders en volwassenes geoes kan word, moet dit ’n geskikte passing wees. Stamselle wat later geoes word, is egter nie so gesond soos dié wat met geboorte uit die naelstring verkry word nie. Die stamselle wat met geboorte ingesamel word, kan hulleself beter dupliseer en beter tot gespesialiseerde selle ontwikkel as ouer stamselle wat by volwassenes geoes word.

Die oes van stamselle uit naelstringbloed of -weefsel is ’n eenvoudige proses wat gewoonlik deur ’n dokter of vroedvrou hanteer word. Die meeste geboortesorggewers het genoeg ondervinding van dié proses, veral by die groter privaat hospitale. Nog ’n opsie is MyNurse, ’n diens wat ontwerp is om die grootste volume naelstringbloed en -weefsel moontlik met geboorte te versamel. Dié diens kan ook verloskundiges met die oesproses help. Die MyNurse-versamelaars is geregistreerde verpleegsters wat opgelei is om spesiale tegnieke in te span om soveel moontlik stamselle te verkry. Dis belangrik, omdat te min stamselle latere gebruik in die wiele kan ry.

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Feb - Mei 2022

Jongste uitgawe
Lees Baba & Kleuter gerieflik in digitale formaat.
Begin lees