book-icon Uitgawe Oktober & November 2018

Dié ma weet van babakamers

akkreditasie
Sandra Hartgers
Sandra Hartgers

Ek het in Nederland in die reisbedryf gewerk en my man, Jeroen (50), vir die meubelgroep Ikea. Ek was nog altyd gek oor dekor. In 2006 het ons kom kuier by my swaer en skoonsuster in Suid-Afrika, wat toe net hul eerste baba gehad het. Ons het verlief geraak op die land. Ons het hier na ’n musiekboksie vir die baba gesoek, maar kon nie een kry nie. Dit het ook gevoel asof daar soveel pragtige huise in Suid-Afrika is, maar nie een ordentlike babadekorwinkel nie. Ons het daarvan begin droom om een in Suid-Afrika te begin, want ons het geweet watter wonderlike babaprodukte daar in Europa beskikbaar is. In April 2008 het ons Suid-Afrika toe gekom, kinders en al, en in Desember het ons Kids Living oopgemaak. Die tweeling, Sophie en Phillipe (nou 15), was toe vyf.

Ek en Jeroen ken mekaar al vandat ons 16 is en is baie goeie vriende. Baie mense het al vir my gevra hoe ek saam met my man kan werk, maar ons het ’n ongelooflike verhouding en selfs al stry ons oor iets, kan ons dit altyd uitwerk. Jeroen hanteer die administrasie en invoer van goedere, terwyl ek op die aankope en dekor fokus. Ons is ’n volmaakte kombinasie; ons eienskappe vul mekaar aan.

Toe ons destyds na Suid-Afrika verhuis het, was die kinderoppassers hier iets wonderliks wat ons nie in Nederland ken nie. Die kombinasie van ’n skool in dieselfde straat en ’n oppasser tuis het uitstekend gewerk, veral in die beginjare van ons besigheid. Boonop het my ouers ook vir ses maande gekom om ons te help. Hulle kom steeds elke jaar vir ses maande en dit help geweldig. In eksamentye, wanneer die kinders my nodiger het, werk ek dikwels van die huis af sodat hulle kan voel ek is byderhand. Ons doen ook moeite om Sondae as gesin saam deur te bring. Saterdae kan die kinders vriende oornooi, maar Sondae is dit net die vier van ons en dan ry ons saam branderplank of doen inkopies. Bygesê, ons het net op die regte tyd met Kids Living begin. Ek sou nie kon doen wat ek nou doen as my kinders nog babas was nie. Dis perfek wanneer hulle ’n bietjie ouer is, want dan is hulle effens meer onafhanklik.

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Feb - Mei 2022

Jongste uitgawe
Lees Baba & Kleuter gerieflik in digitale formaat.
Begin lees