book-icon Uitgawe Julie & Augustus 2020

Fyn motoriese vaardighede: Vingers moet fiks word!

akkreditasie
Getty Images
Getty Images

Een van die belangrikste mylpale wat jou kind op skool moet baasraak, is om te leer skryf. Dis ’n vaardigheid wat die res van sy skoolloopbaan direk raak – ’n kind wat stadig of slordig skryf, kan sukkel om eksamenvraestelle betyds te voltooi of kan punte verloor weens onleesbaarheid, al ken hy die antwoorde op die punte van sy vingers. Om te leer om netjies en leesbaar te skryf, moet jou kind se vingers oor sekere vaardighede beskik. Sonder goeie fyn motoriese beheer sal hy sukkel om die potlood met die nodige akkuraatheid oor die blad te laat gly en die lettertjies te vorm.

Maar die ontwikkeling van fyn motoriese vaardighede verg tyd en oefening. Daarom is dit nodig dat jy reeds voor skool seker maak dat jou kind sy vingers genoeg oefening gee. Die goeie nuus is dat dit groot pret kan wees om die spiertjies te stimuleer, vir jou en hom!

Fyn motoriese vaardighede gaan oor die beheer van die klein spiertjies van die lyf. As dit kom by skoolgereedheid, is die fokus veral op die klein spiere van die hande en oë. Dit stel jou kind in staat om ’n ver­skeidenheid materiale en stukke gereed­skap presies en akkuraat te hanteer, beheer en manipuleer.

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Okt 2021 - Jan 2022

Jongste uitgawe
Lees Baba & Kleuter gerieflik in digitale formaat.
Begin lees