Die jong aktrise is veral bekend vir haar rol as die swanger tiener Elani Malan in die kykNET-dramareeks Alles Malan. Greteli, wat op Stellenbosch woon, het aan die Hoërskool Stellenbosch gematrikuleer. 

View this post on Instagram

???? #allesmalan vanaand 20:00 @kyknettv X

A post shared by G R E T E L I F I N C H A M (@greteli.fincham) on

“Tydsbeplanning, selfdissipline en prioritisering was die drie goed wat my deurgedra het,” vertel die 18-jarige aktrise wat verlede jaar net ses maande op die skoolbanke was. 

Sy was die helfte van die jaar besig met die verfilming van Alles Malan, waarin die bekende akteurs Ivan Zimmermann en Nadia Valvekens haar ouers speelen ’n nuwe Netflix-reeks, Blood and Water, wat in Kaapstad geskiet is. 

View this post on Instagram

Harde baard, sagte hart. ?? #allesmalan

A post shared by G R E T E L I F I N C H A M (@greteli.fincham) on

Die jong aktrise vertel sy het soms 12 uur per dag op stel deurgebring en moes nog daarna huiswerk doen én woorde leer vir die volgende dag. 

“Daar was ’n tyd toe ek gevoel het ek wil nou goed doen in skool én toneelspel, maar ek het later besef dit is nie in dié stadium moontlik nie. Ek het toe die besluit gemaak dat Alles Malan baie beter op my CV gaan lyk as A’s in al my vakke,” onthou sy. 

In haar matriekjaar het sy by die skool soms afgesonder en alleen gevoel, juis omdat haar akteurwerk haar so baie weg van die skool weggehou het, sê die aktrise. “Jy kom dadelik agter wie jou ware vriende is en wie die mense is wat op-check op jou.” 

Maar aan die ander kant was dit ’n ongelooflike reis vir haar om toneel te speel terwyl sy nog op skool is, vertel Greteli. 

“Ek dink dit het my baie vinnig grootgemaak en dis iets waarvoor ek ewig dankbaar is. Ek het baie insig en wysheid gekry oor die lewe van die akteurs saam met wie ek gewerk het,” sê Greteli. 

Al gaan sy nie vanjaar studeer nie, is sy die trotse eienaar van ’n illustrasie- en fotografie-onderneming in Stellenbosch. 

“Ek het onlangs by my nuwe kantoor in die P.J. Olivier-kunssentrum ingetrek en werk vir tyd en wyl aan kuns en fotografie terwyl ek nie enige rolle het nie.”

“Toneelspel is my groot liefde, maar ek gaan nie agteroor sit en wag tot geleenthede in my skoot val nie. Ek besef ek moet aanhou werk.”